Kubwerezera Kwa Xikola Ya Utumiki Wa Mulungu
Mabvunzo akutowerera anadzadingwa pa kubwerezera kwa Xikola Ya Utumiki Wa Mulungu nkati mwa sumana inatoma pa 30 ya nthanda ya Malandalupya ya 2006. Muyang’aniri wa xikola anadzatsogolera kubwerezera pidapfunzwa m’mphindi 30 kudabuluswa m’mphangwa zidadingwa m’nkhani za sumana ya 4 ya nthanda ya Nyenzi mpaka sumana ya 30 ya nthanda ya Malandalupya ya 2006. [Cidzindikiro: Pangasoweka mithonyeso peno mabukhu adabuluswa nkhani kunkhomo kwa mbvunzo, imwe musafunika kudinga towera mugumane matawiro.—Onani Escola do Ministério, tsa. 36-7.]
LUSO YAKULONGA
1. Thangwi yanji kukhurudzika ngwakufunika munalonga ife, na tinakwanisa tani kupungula kupaluka kwathu ntima? [be tsa. 135 ndima 5–tsa. 137 ndima 2, mabokosi] Kuyang’ana mwadidi ale analonga na ife kusapangiza kuti tisatsalakana anango na kuti tina pinthu pyakufunika kuti tipilonge. Nkhaliro wathu wa uxamwali na kumwetula kungaphedze anyakubvesera athu kukhala akusudzuka. Kuona nkhaliro wa nkhope wa ale analonga na ife kungakwanise kutipasa cidzindikiro cakuti tinakwanisa tani kutsalakana nkhaliro unoyu.
2. Munabvunzwa ife pya cikhulupiro cathu, thangwi yanji tisafunika kuwangisira kuphatisira Biblya pakutawira? [be tsa. 143 ndima 1-3] Kulonga mwakuthema na mwacibaliro kunaticitisa kuwina cinyindiro ca anango. Tingalonga mwakumangika peno mwakudodoma, panango anthu angacimwane kutoweza pinalonga ife. Njira zingasi zakuti zingakwanise kutiphedza kukunda kugopa na kulungamisa kulonga kwathu kwacibaliro m’utumiki wa mmunda ndi izi: (1) Kukhunganyika mwacidikhodikho, (2) kuphembera mwakuwanga, (3) kunyerezera ntsisi ikulu ya Yahova m’kupasa anthu onsene mwai wa kukhala na umaso okhonda mala, (4) kukumbuka kuti anthu ali na ufulu wakusankhula na kuti angakwanise kutambira peno kukhonda mphangwa, na (5) kukumbuka kuti basa yathu ndi kumwaza mphangwa basi.
3. Kodi tinakwanisa tani kukhala aluso kakamwe m’kuphatisira Biblya? [be tsa. 144, bokosi] Unyai wathu usapasa mbiri Mulungu na usapangiza mwadidi gulu yace. (1 Akor. 10:31) Munakhala manungo athu na nguwo zathu zakucena, anango anadzafika pa kunyerezera kuti tisalemedzeka, na anadzakulumizwa kutibvesera.
4. Thangwi yanji ndi kwakufunika kazinji kene kuphatisira Biblya munapfunzisa ife m’utumiki, na tinakwanisa tani kukulumiza anthu kuiphatisira m’misonkhano yampingo? [be tsa. 145-6, mabokosi] Munthu wakucepeseka asacalira kuxola anango mwakusowa mathangwi. Kulemedza kusatiphedza kutsalakana maonekero athu na kucalira mabvaliro a dziko. Ponsene panagumanika ife, ku xikola, ku basa ya dziko peno pa basa yaumulungu, makhunganyikiro athu adidi asafunika m’nzidzi onsene kupangiza kuti tisalemedza midida ya Mulungu.
5. Kodi ndi pipi pifuno pyathu piwiri munalonga ife mafala akutoma mbatisati kuleri Biblya? [be tsa. 147 ndima 2] Tsamba yakutoma ya Jwau 2:15-17 isaticenjeza kuti tikhonde funa dziko peno pinthu piri m’dziko. Ninga anzakazi a Yahova, tisakhonda mabvaliro akuti asapangiza njira zokhonda khala Zacikristu za makhaliro a Sathani. Aefesi 2:2 asalonga pya nzimu wa kupanduka unagumanika m’makhaliro ano akuipa. Kukhonda bvera utongi kazinji kene kusapangizwa lero m’mabvaliro anasosa cifuno caulukwali, aphwazo na akunyanyasa a anthu lero. Mbuto mwa kusangizira dziko, tisasiya kuti citsanzo ca Akristu akukola cikhuye mabvaliro na makhunganyikiro athu. (1 Tim. 4:12; 1 Ped. 5:2, 3)
NKHANI N.° 1
6. Kodi ndi mphangwa zipi zakufunika kakamwe zinagumanika m’bukhu ya Masalmo? [si tsa. 104 ndima 23] Kuleri kungakwanise kucitisa munthu kukhala na ‘nzeru [peno udziwisi] za Mulungu.’ (Mis. 2:5) Njira zizinji zinatumikira ife Mulungu zisaphataniza luso ya kuleri. Kupembera kwathu m’utumiki wa mmunda kusakhuyiwa kakamwe na njira inaleri ife. Kukhunganyikira mabasa auzimu kusaphemba kuleri.
7. Kodi bukhu ya Misangani yalembwa na yamaliswa m’nzidzi upi? [si tsa. 107 ndima 5] Munthu wakulungama asagopa Mulungu wandimomwene, na ‘kugopa Mulungu ndi kutoma kwa udziwisi kakamwe.’ (Sal. 111:10) Munthu wanzeru zandimomwene asadziwa kuti iye asafunika ‘kugopa Mulungu mbatoweza matongero ache.’ (Koel. [Mlal.] 12:13) Pswiru asatowerera njira yokhonda bverana na mitemo yakulungama ya Mulungu. Njira zace ndi zakuipa.
8. Kodi nsangani ndi ninji, na thangwi yanji nsolo Waciheberu wathemera bukhu ineyi? [si tsa. 107 ndima 6] Nzeru ndi luso ya kuphataniza ntsonga zakusiyana-siyana za nsolo na kuona nsolo wamumphu, tayu ntsonga ibodzi na ibodzi payokha. Kupfunza na kukumbukira unyomonyomo upswa ndi kwakukhonda nensa kwa nyanzeru thangwi asaona kuphatana kwa unyomonyomo unoyu upswa na cifuniro ca Yahova kuli anthu na dziko yapantsi.
9. Pa Misangani 2:1-5, kodi usabvekanji nkulumizo wa kupitiriza kusaka cidziwiso, kubvesesa na nzeru “ninga siliva, na mpfuma yakubisika”? [be tsa. 38 ndima 4] Kupfunza kwasiyana na kuleri mwacidzuludzulu. Kusaphataniza kuphatisira mwacidikhodikho manyerezero peno kupfunza cinthu mwakuwangisa kakamwe. Pyenepi pisaphataniza kudinga pinaleri imwe, kupilandanisa na pinadziwa imwe kale na kuona mathangwi a pidalongwa.
10. Kodi ndi cifuniro cipi cakuphindulisa cinadziwisa bukhu ya Misangani? [si tsa. 109 ndima 19] Kunyerezera kusafunika kutikhuya m’njira zitatu. Kungakwanise (1) kuticitisa kulemedza umaso, (2) kutikulumiza kuphedza anango kupfunza kubulukira ku pyakucitwa, na (3) kutikulumiza kudziwa mwakukwana Nciti wathu na kupereka takhuta.
KULERI BIBLYA KWA SUMANA NA SUMANA
11. Kodi ndi m’njira ipi ‘ntima wa Davide wapfulika, mbukhalika mu ntendere ninga mwana adamala kuyamwa,’ na tinansangizira tani? (Sal. 131:1-3) Yahova apanga peno atuma amuna Aciisraele kuti amenyane na anyamalwa a madzinza a Dziko Yakupikirwa na kuakunda. Mukhakunda Aisraele anyamalwa awo, akazi Aciisraele akhamwaza mphangwa izi zadidi pa maphwando akupembera. Lero, atumiki acikazi asamwaza mphangwa zadidi za mapembero a pifuniro pya Mulungu, ninga kuponywa kwa Sathani pa dziko yapantsi m’kukwanirisa Mafala a Yahova. Mwakubverana na Mafala a Mulungu, akazi Acikristu asadziwisambo madziko kuti mwakukhonda dembuka anadzapitirwa mbuto na Mambo Waumesiya, Yezu Kristu. [3 ya nthanda ya Maluwa, w86 15/10 tsa. 30]
12. Kodi ndi cithonthoso cipi cakuti cingakwanise kugumanika m’mafala akupumirwa a Masalmo 139:7-12? Maseze Asafe akhadziwa udidi wa Yahova, kusirira kufamba mwadidi kwa pinthu pya anthu akugaya na okhonda lungama kwancitisa kupenula phindu ya kukhala na umaso wakulungama. (Sal. 73:1, 13) M’kuenda “n’nyumba ya Mulungu” na kunyerezera na alambiri anzace, iye acinja manyerezero ace. Lero, khala tiri akudzudzumika na pinthu pya anyakuipa pinaoneka ninga pikufamba mwadidi, tingakwanise kusaka matawiro a mabvunzo athu m’kugumanyikana na mbumba ya Mulungu m’ulambiri. [10 ya nthanda ya Maluwa, w93 15/7 tsa. 28 ndima 3, 5; tsa. 30 ndima 1]
13. Kodi ndi pitsanzo pipi pingasi pya ukulu wa Yahova pidathulwa m’Masalmo 145 pyakuti tingakwanise kunsimba napyo m’maphembero athu na m’utumiki wapakweca? (Sal. 145:3) Mana abuluka kudzulu, na apaswa kubulukira m’ntemo wa Yahova. (Sal. 105:40) “Anju” analongwa pano panango ndi ule adaphatisirwa na Yahova towera kupereka mana m’njira yacirengo. (Sal. 103:20) [17 ya nthanda ya Maluwa, w06 15/7 “A Palavra de Jeová É Viva—Destaques dos Livros Terceiro e Quarto de Salmos”]
14. Kodi ndi m’njira ipi kugopa Yahova ndi ‘ntengo wa pyonsene,’ na “kutoma kwa udziwisi [peno nzeru]”? (Mis. 1:7; 9:10) Mbuto ‘yakukhumbirwa’ ndi mbuto yakuphipirisa ya kukoyeka na yakutsidzikizika, nkhaliro wakutsidzikizika ku ngobzi yauzimu, paradizu wauzimu. Mbuto ineyi ndi yakukhumbirwa peno yakubisala thangwi ndi yakukhonda dziwika na ale anakhonda nyindira Mulungu. Tisacita Mulungu Wankulu kakamwe ninga ‘pakukhala’ pathu m’kunnyindira ninga ‘mphedzi wathu wakuwanga,’ m’kunkuza ninga Nyakutonga Wankulu wa kudzulu na pantsi, na m’kumwaza mphangwa zadidi za Umambo. [31 ya nthanda ya Maluwa, w06 1/7 “A Palavra de Jeová É Viva—Destaques dos Livros Terceiro e Quarto de Salmos”]
15. Kodi mafala akuti “mafala anga” na “matongero anga” anagumanika pa Misangani 7:1, 2 asabvekanji?Kufa kwa nsoka wa alambiri akukhulupirika a Yahova kusanensa ntengo ukulu kakamwe, kwakuti Yahova nee anadzatawirisa kuti kucitike. (Sal. 116:8) Iye angatawirisa pyenepi kucitika, anadzaluza mbiri yace ninga nyamphambvu zonsene na wakukwanisa kupulumusa anyakukhulupira ace. Kusiyapo pyenepi, nee mbodzi mbadasiiwa pa dziko yapantsi ninga nyakutoma kukhala m’dziko ipswa. [28 ya nthanda ya Malimwe, w06 1/9 “A Palavra de Jeová É Viva—Destaques do Livro Quinto de Salmos”]