Mafala Akutoma a Khundu 7

Misolo inatowera inalonga thangwi ya pinthu pidacitika mu umaso wa Mambo Sauli na Mambo Dhavidhi mu pyaka cifupi na 80. Pakutoma Sauli akhali wakucepeseka mbagopa Mulungu. Mbwenye mukupita kwa ndzidzi, iye acinja mbasiya kubvera pitsogolero pya Yahova. Na thangwi ineyi, Yahova akhonda Sauli, mbapanga Samweli toera kudzodza Dhavidhi kuti akhale mambo mupswa wa Izraeli. Thangwi ya bibvu, Sauli ayesera kazinji kene kupha Dhavidhi, mbwenye Dhavidhi nee akham’bwezera pyakuipa. Mwana wa Sauli, Yonatani akhadziwa kuti Dhavidhi asankhulwa na Yahova, na thangwi ineyi akhali wakukhulupirika kuna Dhavidhi. Dhavidhi acita madawo makulu, mbwenye iye atawira kusandikwa na Yahova. Khala ndimwe nyakubala, phedzani mwananu toera aone kufunika kwa kuphedzera masasanyiro a Yahova ndzidzi onsene.