Munadzacita Cifuniro Ca Yahova?

Tikupereka takhuta thangwi yakuphatisira ndzidzi wanu toera kudinga bruxura ino na cifuno cakudziwa kuti mbani Mboni za Yahova, kudziwa mabasa athu, na kuona maphatiro a gulu yathu. Tisanyindira kuti bruxura ino yakuphedzani kutidzindikira ninga anthu anacita cifuno ca Yahova mu ntsiku zino. Tisakuwangisani toera kupitiriza kusaka cidziwiso ca Mulungu, kupanga anango pa banja yanu na axamwali anu pinthu pinapfundza imwe, na kugumanyikana mwakukhonda phonya pabodzi na ife pa misonkhano yathu Yacikristu.—Ahebere 10:23-25.

Munapitiriza imwe kupfundza pizinji thangwi ya Yahova, munadzaona kuti iye mwandimomwene asakufunani kakamwe. Buluka penepo munadzakulumizwa kucita pyonsene pinakwanisa imwe toera kupangiza ufuni wanu kwa iye. (1 Jwau 4:8-10, 19) Munapangiza tani kuti musafuna Mulungu mu umaso wanu wa ntsiku na ntsiku? Thangwi yanji kubvera midida ya Mulungu inalonga pya makhaliro adidi ndi kwakuphindulisa kwa imwe? Ninji cinafuna kudzakuphedzani toera kucita cifuno ca Mulungu pabodzi na ife? Mpfundzisi wanu wa Bhibhlya anadzatsandzaya kugumana matawiro a mibvundzo ineyi pabodzi na imwe toera imwe na banja yanu mupitirize ‘kukhala mu ufuni wa Mulungu na cidikhiro ca kukhala na umaso peno moyo wakukhaliratu.’—Yuda 21.

Tisakuphembani toera mupitirize kuthambaruka mu undimomwene mu kupfundza bukhu inatowerera iyi . . .