NÉNDOO 23

Batɛm lé to né gé maji kem ra

Édition imprimée

Jesu ndoo njékwakiláje to gé batɛm lé to né gé maji kem ra. (Turaje Matiyo 28:19, 20.) Batɛm lé see to ɗi wa. Ŋga see ɗi ɓa deou a ra mban ɓa mba ra ne batɛm wa.

1. See batɛm lé to ɗi wa

« Batɛm » lé ge ta Greek ndá meen nan « kande mán yöm ». Loo gé Jesu ra batɛm mán-baa gé Jurdɛn lé, d’ulá mán yöm ɓa yeen « in mán unda loo teen raga » ɓei. (Mark 1:9, 10) Njétaameekristije gé ged lé d’ula dee mán esé d’ande gel mán’g ge darö dee bura ɓa rá ne batɛm.

2. Batɛm lé see twöji ɗi wa

Deou gé ra batɛm lé twöji to gé yeen un rea ar Jehova. Deou a ra ɗi ɓa a k’un ne rea kar Ala wa. Mban ɓa kar deou ra batɛm lé yeen a kula Ala dan tamaji’g to gé neen n’ndigi to kura lea saar-saar ge non. Yeen un ndea to gé neen na kwa Jehova ya káree meen neen’g lem ra meendigi le Ala lé, yee ya to né gé gadee ur kugu kem neen’g unda néje lai loo si kemba’g le neen lem tö. Yee un ndea mba « kiyan rea yag lem mba k’un ne goo Jesu » mba ndaji ne néndooje lea lem ge goso néraje lea lem tö. (Matiyo 16:24) Loo gé deou un rea ar Jehova ɓa ra batɛm lé, a la sea kar rem ne per gé rö Ala’g lem ge rö kuraje’g lea lem tö.

3. Mban ɓa kar deou ra batɛm lé ɗi ɓa a ra wa

Ndoo né ge mba ger ne Jehova lem ra tög dö meekun’g lei lé a la sei kari göl ne dö röi ge mba ra ne batɛm. (Turaje Ǝbrǝje 11:6.) Loo gé néger lei ge meekun lei d’a kin dö maree’g lé, meenoji lei gé wöji dö Jehova kara a kin dö maree’g lem tö. Töɓei mal kilambèr ta gé wöji dö Jehova lem, ra kula ge godnduje lea lé a rai ŋgöd-ŋgöd lem tö. (2 Timote 4:2; 1 Ja̰ 5:3) Loo gé deou un « ndea mba kar néreaje wa boa kan mbaidömbaije taa ne kemee regem » lé, yeen un ndea ge mba k’un rea kar Ala lem mba ra ne batɛm lem tö. (Njé gé kolosǝ 1:9, 10.)a

ARSI N’TENJE GINEE

Arsi j’ooje né gé batɛm le Jesu ndoo si lem né gé deou a kas ra ɓa mba göl ne dö rea mba ra ne batɛm lem tö.

4. Néndooje gé j’a k’iŋgaje mee batɛm’g le Jesu

Turaje Matiyo 3:13-17 mba ger see Jesu ra batɛm lea lé to gé ban wa. ndá wöjije ta dö tadejije’g nee:

See Jesu lé reá batɛm loo gé yeen nain ne ŋgon-kas ɓei wa.
Jesu lé reá batɛm to gé ban wa. See deen mbel mán dea’g gé mbel bàa wa.

Goo batɛm’g lea lé, Jesu un kudu ra kula gé Ala öm jia’g karee ra. Turaje Lugu 3:21-23 ge Ja̰ 6:38, ndá wöjije ta dö tadeji’g nee:

Goo batɛm’g lea lé kula gé ra ɓa Jesu unda dan kemee’g wa.

5. Batɛm lé to né gé nana kara askem ra ya

K’un röi kar dee rai batɛm lé loo gé enji dö’g dötar ndá a rai ɓel ya, nɛ jan-jan loo gé i ra tög dö meekun’g lei ndá, a ɓel el ŋga. Mba ger see ban ɓa njé gé nanje d’iŋga siŋga dee ge mba k’un ne ndukun gé neelé ndá, Ooje VIDEO.

VIDEO: I tö kulá-noji lei ge Jehova nan’d (1:11)

Turaje Ja̰ 17:3 ge Jak 1:5, ndá wöjije ta dö tadeji’g nee:

Ɗi ɓa a la ge deou karee göl ne dö rea mba kar ne pèrèrè ra ne batɛm wa.

1. Dené kára aou ra tamaji un ne rea bura ar Ala.

2. Dené gé kára neelé ya ar dee rea Batɛm d’ulá mán yöm d’aree to ne Témoin le Jehova.

1. Loo gé deou un rea ar Jehova lé nain to gé yeen ulá to gé yeen ndigi to kura lea saar-saar ge non
2. Batɛm le si lé twöji to gé j’unje rö si j’arje Ala

6. Loo gé deou ra batɛm lé yeen tel njemeekei le Jehova

Loo gé jeen raje batɛm lé, jeen n’tel n’toje ŋgakonnanje, gé d’oree nan mes dö naŋg nee lai. Lé j’inje ne ra-ra kara meekun le si kára baa lem, n’raje kula ge godnduje gé kára bàa lem tö. Turaje Pakɔsje 25:14 tö 1 Piɛre 2:17, ndá wöjije ta dö tadeji’g nee:

Loo gé deou ra batɛm ndá, batɛm neelé a tö kulá-noji lea ge Jehova lem ge njé gé raŋg lem tö to gé ban wa.

Collage: Konansi gé rea batɛm lé loo ge enji dö kula noji gé maji gé yeen aou ne ge ŋgakeanje gé mee Assemblée’g ndá aree rölel yaan. 1. Aou pata gé méen’g ar konansi kára oo. 2. Yeen aou ged konansi kára gé tög yaan aree njaa tar. 3. Yeen aou sö né ge kuramareeje gé ɓal dee ɓed-ɓed. 4. Deen ge konansi gé raŋg d’aou d’ila mbér d’ar diŋgam kára. 5. Deen ge konansije gé ndar dee ɓed-ɓed joo ra poto loo Assemblée Régionale’g.

LOOJE GÉ NANJE DEOUJE PANA: « M’isi pèrèrè mba ra batɛm el ɓei »

Ŋga i gé bura ya ɓolé si pèrèrè mba ra batɛm el kara see i enji to gé batɛm lé to né gé kem ra ya wa.

LOO PIA GÉ ƊÈGESÈ

Jesu pana batɛm lé to né gé maji kem kar njétaameekristije ra ya. Mba ra batɛm neelé maji kar deou a ra tög dö meekun’g lea lem ra kula ge ndukunje le Jehova lem un rea aree lem tö ɓa.

Kolé mee dö’g

Batɛm lé see to ɗi wa. Mba ɗi ɓa to né gé maji kem ra wa.
K’un rö kar lem ra batɛm lem tö lé ɗije ɓa tö dee nan’d wa.
Néje gé ra ɓa deou a ra ɓa a k’un ne rea kar Ala lem a ra ne batɛm lem tö wa.

Né gé m’wöji ge mba ra

Ma k’oo néje gé to mee loo töl ta debee gé 4’g gé pana, “See m’ra batɛm el kara m’isi pèrèrè ge mba kila mbèr ge njé gé mee Assemblée’g lem wa.

“See m’isi pèrèrè ge mba ra Batɛm ya wa.” ge mba k’oo see m’aou ra tög goo ndil’g ya wa.

Né gé raŋg gé m’wöji ge mba ra:

Né gé raŋg gé m’wöji ge mba ra

NÉ GÉ A GER DÖ MAREE’G ƁEI

Ge mba ger ne néje gé wöji dö Batɛm lé.

“Batɛm lé to ɗi wa” (article jw.org)

Tandejije gé kan ra ne tög goo ndil’g mba ra ne Batɛm.

“K’unda gé undaje Jehova dan kem si’g ge ta oiyo le si a teen se si batɛm’g” (La Tour de Garde, Mars 2020)

Diŋgam kára ger to gé n’a ra batɛm lé ndaji ne kem mar neenje bàa el.

“Deen ndigi kar ma ya m’ar kankemta lé inja kem’g ɓa” (La Tour de Garde, 1^er Fevrier 2013)

Mba ɗi ɓa Batɛm lé to né gé maji ra lem goseeje gé mba teen ne leée’g.

“See ma kar dee ram Batɛm wa” (Les jeunes s’interrogent. Réponses pratiques Volume 2, chapitre 37)

a Ɓolé deou ra batɛm lamison gé raŋg mban kara yeen a tel ra batɛm gogo ya ɓei. Mba ɗi wa. Mbata lamison gé raŋg neelé néndooje gé keneŋ aou nan’d ge kankemta gé mee Bible’g el.—Ooje Néra Njékaḭkulaje 19:1-5 tö néndoo gé 13.