Само важно решэния, сави можэт тэ прилэл о мануш, — када тэ отдэл пэстири жызня лэ Иеговасти и тэ андярэл лэстири время вместе лэстирэ ереса. О Иегова камэл, кай всаворэ тэ прилэн кацави решэния. Васо? Во камэл, кай вонэ тэ ашэн лэстирэ друӷоря и тэ жувэн вечно (Втор. 30:19, 20; Гал. 6:7, 8). И всаек о Иегова никас на заставий тэ андярэл лэстири время. Во домэкэл кажнонэ манушэсти, кай во екжэно тэ витидэл, со тэ терэл. Но со, если о болдо христианино ԥагэл лэ Дэвлэско законо и терэл баро бэзэх? Если во на каийпэ, лэ ӷуртости трэбуй тэ дурярэн лэс пэстар (1 Кр. 5:13). И дажэ тоди о Иегова всаворэ́ одеса аштярэл, кай кодэва, ко стердя бэзэх, рияпэ каринг лэстэ. Акэ васо лэсти сас важно тэ потинэн и особо цэмин — кай лэстэ тэ авэл право тэ простий кодэлэн, ко каийпэ андэ пэстирэ бэзэха. Амаро любящё Дэл анда ди взвийпэ каринг кодэла, ко стердя бэзэх, и мангэл лэн тэ каинпэ (Зах. 1:3; Римо 2:4; Иак. 4:8). w24.08 14, абз. 1, 2

О Иоано пистросардя пэско трито письмо, появисайлэ мануша, савэ сытярэнас хохаимасти и римонас ладо андо ӷурто. Но сас и кодэла, ко на оджалас лэ Дэвлэстирэ дромэстар. Вонэ кандэнас лэ Иеговас и жувэнас па «лэ Дэвлэстири время» (2 Иоан. 4, 6). Кадэла лэ Дэвлэстирэ мануша радуинас най кати лэ Иоанос, но и лэ Иеговас (Прит. 27:11). Сости амэ сытювас? Кала кандас лэ Иеговас, када анэн бари радость (1 Иоан. 5:3). Например, амэ лошавас, кала терас кода, со чалёл лэ Иеговасти. Во фартэ радо тэ диқэл, кай амэ на поддаспэ лэ бэзэхэсти и жувас па лэстирэ законоря. Радуинпэ и лэстирэ анӷелоря (Лука 15:10). Ай инке амэ лошавас, кала амарэ ԥрала и ԥэя на ашавэн лэ Дэвлэс, дажэ если пэр лэндэ тасавэн и лэндэ ԥаримос (2 Фес. 1:4). Ай кала лэ Сатанастиря люматар нисо на ашэлапэ, амэ аваса инке май лошалэ кодэлэстар, кай на парашэлям тэ кандас лэ Иеговас. w24.11 12, абз. 17, 18

Скати трэбуй тэ аштярэс, кай тэ ԥэнэс лэ манушэсти, кай во тути чалёл? Если тэ стерэс када фартэ ӥто, лэсти можэт тэ здэлпэ, кай ту фартэ грабиспэ (Прит. 29:20). Ай авря ригатар, если кодэва мануш ужэ поля, кай чалёл тути, ай ту фартэ цырдэс и время, во можэт тэ погиндой, кай ту на ӷанэс, со тути трэбуй (Эккл. 11:4). На бистэр, если ту поджаса тэ подэс дума кадэлэ манушэса, када инке на сыкавэл, кай тумэ обязательно цэлэна о ябьяв. Но андэ кодэя жэ время, ту ужэ трэбуй тэ авэс уверено, кай ӷотово тэ жэниспэ или тэ жас миростэ и кай кадэва мануш можэт тэ ашэл важ тутэ лашо хулай чи хулаи. Ай со, если ту додиқлян, кай чалёс варикасти? Если тутэ нинай кацаво жэ андо ди каринг кадэва мануш, дэ лэсти ворта када тэ полэл. Авэла фартэ жэстоко, если ту андярэса пэс кадя, кай о мануш пэ варисо тэ надеийпэ (Эф. 4:25). w24.05 22, 23, абз. 9, 10