Саво исыс джиибэн дро раё?

Яхва дыя Адамоскэ и Евакэ бут лачипэн. Джиибэн 1:28

Яхва создыя первона джювля, Ева, и дэя ла дро ромня Адамоскэ (Джиибэн 2:21, 22).

Яхва создыя манушэн би грэхоскиро и дрэ лэндэ на сыс ни саво налачипэн.

Лэнгиро кхэр исыс садо Эдэмо, саво исыс дриван гожо штэто и адава штэто исыс чачуно раё. Одой исыс э рэка, барьёнас фруктова брэзы и дживэнас разна звери и ското.

Яхва ракирлас лэнца и сыклякирлас лэн. Если бы онэ шунэнаспэ Лэс, то дживэнас бы вечно дро раё прэ пхув.

Дэвэл пхэндя тэ на хас о плоды адалятыр брэзатыр. Джиибэн 2:16, 17

Екх ангило гэя против Дэвлэстэ и адава холямо ангило исы Бэнг.

Яхва сыкадя Адамоскэ и Евакэ екх фруктово брэза дро садо и припхэндя, со если онэ лэна тэ хан адалятыр брэзатыр плоды, то онэ мэрэна.

Бэнг на камья, собы Адамо и Ева шунэнаспэ Яхвас, палдава Бэнг через сапэстэ пхэндя Евакэ, со если ёй схала о плодо адалятыр брэзатыр, ёй на мэрэла, а явэла сыр Дэвэл. Адава исыс хохаибэн (Джиибэн 3:1—5).