Кон правинэл адалэ мироса?

СО РАКИРЭЛ Э БИБЛИЯ?

«Саро миро дрэ власть, ко Холямо» (1 Иоанна 5:19, Нэвэ мироскиро переводо).

«Дэвлэскиро Чаво ваш адава и явья, собы тэ розрушэнэл Бэнгэскирэ делы» (1 Иоанна 3:8).

СО АДАВА МОЖЭТ ТУКЭ ТЭ ДЭЛ?

Ту уґалёса, соскэ пхаро тэ джювэс (Откровение 12:12).

Ту лэса тэ патяс, со адава миро явэла фэдыр (1 Иоанна 2:17).

МОЖНО ЛИ ТЭ ПАТЯС ОДОЛЭСКЭ, СО РАКИРЭЛ Э БИБЛИЯ?

Да, и прэ адава исы само мало трин причины:

• Бэнгэскиро правлениё проджяла. Яхва дриван камэл, собы Бэнгэстэ насыс нисави власть прэ манушэндэ. Ёв дэя лав «тэ укэдэл... Бэнгэс» и саро налачипэн, со скэрдя о Бэнг, кэдэ правинэлас (Евреям 2:14).

• О Дэвэл чудя Исусос тэ правинэл э мироса. О Исусо насыс жестоко, ёв камэлас манушэн. Ёв нанэ дасаво, сыр правителё адалэ мироскиро. Пал Исусоскиро правлениё, о Дэвэл дэл лав: «Ёв лэла тэ жалинэл чёрорэс... Ёв заракхэла лэн и нисо, и никон налэла тэ тасавэл лэн» (Псалом 72:13, 14).

• О Дэвэл никэдэ нахохавэл. Э Библия ракирэл: «Нисыр о Дэвэл не можэт тэ хохавэл» (Евреям 6:18). Если о Яхва дэя лав, можно тэпхэнэс, со адава ужэ скэрдо. (Исайя 55:10, 11). «О правителё адалэ мироскиро явэла вытрадэно» (Иоанна 12:31).