¿Imaraykun político runakunapi manaña runakuna confiankuñachu? | ¿Imatapas Biblia willashanmanchu chaymanta?

2024 watapin mundontinpi mana jayk’aq aparikusqan elecciones kanqa. Chaywanpas askha runakunan político runakunapi manaña confiankuñachu.

•  2023 watapi 19 setiembre killapin centro de investigación Pew Research Center a nisqa Estados Unidos nacionpi encuestata ruwarqan, chaypin runakunaqa nisqaku: “Político runakunaqa paykunallapi piensaspa, imachus munasqankuta tarinallankupaqmi jaykunku, manan runakunata yanapanankupaqchu”, nispa.

Askha wayna-sipaskunapas manañan político runakunapi confiankuñachu.

•  2024 watapi 29 enero p’unchaypin The New York Times nisqa willakuypi nirqan: “Wayna-sipaskunan llakisqa kashanku imapas kay pachapi mana allichakuy atikusqanmanta. Chaymi juj encuestapi paykuna nirqanku: Manan político runakunapas chaykunata allichayta atinkuchu”, nispa.

•  2024 watapi 22 enero p’unchaypin The Korea Times nisqa willakuypi nirqan: “Wayna-sipaskunaqa internetman videokunata churamuq runakunapin astawanqa confianku, manan político runakunapichu”, nispa.

¿Político runakuna atinkumanchu kay pachapi problemakuna allichayta? ¿Kanmanchu pipas confianapaq jina?

Allinta reparay pipis confianki chayta

Chaypaqqa allintan qhawarina pipis confiasunchis chayta. Bibliapin nin: “Mana yachayniyoqqa tukuy uyarisqantan creen, allin yuyayniyoqmi ichaqa allinta tanteakuspa imatapas ruwan”, nispa (Proverbios 14:15).

•  Sichus yachayta munanki ima willakuypas cheqaqchus manachus chayta chayqa leey “¿Imaynatan llulla willakuykunamanta cuidakusunman?” nisqa willakuyta.

Chaymantapas político runakuna allintaña imatapas ruwayta munankuman chaypas, manan atinkuchu. Chayraykun Bibliaqa niwanchis:

•  “Ama kamachikuqkunamanqa k’askakuychischu, ama runallamanqa hap’ipakuychischu, manan payqa qespichiyta atinchu”, nispa (Salmos 146:3, Diospa simin qelqa).

Kanmi confianapaq jina kamachikuq

Bibliapin willawanchis pitachus Dios ajllarqan kamachikuq kananpaq chayta, chay kamachikuqqa señorninchis Jesusmi, payqa confianapaq jinan (Lucas 1:32, 33). Jesusqa Diospa gobiernonpi kamachikuqmi, chay gobiernoqa janaq pachapin kashan (Mateo 6:10).

•  Sichus astawan yachayta munanki imaraykus Jesuspi confiasunman, imaynatas kay pachapi problemakunatapas tukuchipunqa chayta chayqa, leey “¿Pin Diospa gobiernonpi kamachikunqa?” “¿Imatan Diospa gobiernon ruwanqa?” nisqa yachachikuykunata.