Ancha valorniyoq perlatan tariranku

Jesusmi yachachiran Diospa gobiernon kay pachapi sasachakuykunata tukuchipunanta (Mateo 6:10). Diospa gobiernonmanta yachay ancha valorniyoq kasqanta rikuchinanpaqmi Jesusqa willaran Mateo 13:44-46 textopi kay iskay rijch’anachiykunata:

• Chajrapi llank’ashaq runan qonqaylla tariran pakasqa qorita.

• Viajaq comerciante runan ancha allin perlakunata maskhaspa ancha valorniyoq perlata tariran.

Chay iskay runakunaqa usqhayllan llapa imaymanankuta vendemuranku tarisqankuta rantikapunankupaq. Kay rijch’anachiypi runakuna jinan kay tiempopi wakin runakunapas kanku, paykunaqa Diospa gobiernonta anchata valorasqankuraykun imaymana sacrificiota ruwanku (Lucas 18:29, 30). Kay videopin yachanki iskay runakunamanta, paykunaqa Jesuspa rijch’anachiypi willasqan jinan Diospa gobiernonta anchata valoranku.