Sumaqta chaskikuy Diospa yachachikuyninkunata

Mayqen qelqatapas preparakushaspaqa yaqapaschá tapukunchis: “¿Imamantan kaypi yachasaq?”, nispa. Allinña chaykunapi piensay chaypas, liston kashananchis Diospa ima yachachisqantapas chaskikunanchispaq. ¿Iman yanapawasunman chayta sumaqta chaskikunanchispaq?

Jehová Diosmanta yachayta mañakuy. Manan imachus yachasqallanchiswanqa contentakunanchischu (Prov. 3:​5, 6). Aswanpas Jehová Diospa yanapayninta mañakuy pay imatachus kunan yachanaykita munan chayta allinta entiendenaykipaq (Sant. 1:5).

Bibliapi yachasqaykiman jina kausay. “Diospa siminqa kausashaqmi” (Heb. 4:12). Bibliata leespaqa mosoq yachachikuykunatan tarisun, chayqa imaymana ruwaykunapin yanapawasun. Ichaqa chaykuna yanapawananchispaqqa liston kashananchis mosoq yachachikuykunata sumaqta chaskikunanchispaq.

Sumaqta chaskikuy Diospa qowasqanchis llapa espiritual mijunata. Diospa qowasqanchis espiritual mijunaqa allin mijunan noqanchispaqqa (Isa. 25:6). Chhaynaqa, amapuni chay mijunakunamanta wakintaqa juj ladoman wijch’urpariychu. Chaykunaqa yanapasunkin, chayta mijunki chayqa tiempowanqa gustapusunkin.