DIOSPAQ JINA KAUSASUN
Jehová Diosqa llaqtantan cuidan
Chayllaraq Pascua fiesta ruwasqankuqa mana qonqanapaqmi karan. Faraonmi yacharuran phiwi wawan wañupusqanta, jinan chay tutapacha Moisesta niran: “Runaykuna ukhumanta lloqsiychis, qankunapas Israel runakunapas, jinaspa ripuychis, Señor Diosta yupaychamuychis nisqaykichista jina”, nispa (Éx. 12:31). Chayta ruwaspan Jehová Diosqa rikuchiran llaqtanta pakaykuqpuni kasqanta.
Kay tiempopipas Jehová Diosqa llaqtantan pusarishan cuidashan ima, chaytan sut’ita yachanchis Warwick museota visitaspa, chay museoq sutinmi “Diospa sutinta apaq llaqta” nisqa.
WARWICK MUSEOKUNATA VISITAY “DIOSPA SUTINTA APAQ LLAQTA” NISQA VIDEOTA QHAWASPA KAY TAPUYKUNATA KUTICHIY:
¿Imawanmi allinta Biblia estudiaqkuna yanapachikuranku 1914 watapi, iman karan chayta ruwasqankumanta?
¿Ima sasachakuykunapin hermanonchiskuna tarikuranku 1916, 1918 watakunapi, imaynapin yachanchis Jehová Dios paykunata pusarisqanta?
¿Imatan ruwaranku carcelpiña kashaspapas iñiyninkupi ama pisipanankupaq?
¿Imatan Jehová Diospa llaqtan 1935 watapi entienderanku, imaynatan paykunata chay yachasqanku yanaparan?
Sichus chay museota visitaranki otaq juj sucursalpi museota visitaranki chayqa, ¿ima rikumusqaykin yanaparasunki Jehová Diospi astawan confianaykipaq?