¿Maytukuytan Jehová Diospa promesankunapi confianki?

Josuewan Salomonwanqa rikurankun Diospa promesankuna llapallan junt’akusqanta (Jos. 23:14; 1 Rey. 8:56). Chay iskaynin testigokunaq nisqankuqa astawanmi iñiyninchista kallpachan Diospa palabran cheqaqpuni kasqanmanta (2 Cor. 13:1; Tito 1:2).

Josuepa tiempopi Jehová Dios imaynata palabranta junt’asqanta yachanaykipaq, familiapi qhawaychis Llapa rimasqanmi junt’akuran nisqa videota. Chaymantataq kay tapuykunata kutichiychis: 1) ¿Imaynatan qatikusunman Rahabpa iñiyninta? (Heb. 11:31; Sant. 2:24-26.) 2) ¿Imaynatan Ajanpa ruwasqan rikuchin yuyaypi mana kasukuqkunaqa mana allinpi tukusqankuta? 3) ¿Imanaqtinmi gabaonitakuna Josueta engañaranku Israelwan thaj kausayta rimanakunankupaq, guerrapi maqanakuq kashaspapas? 4) ¿Imaynatan Diospa palabran cumplikuran Amor runakunaq pisqa reyninkuna Israelta amenazaqtin? (Jos. 10:5-14.) 5) ¿Imatan Jehová Dios qanpaq ruwaran gobiernonta ñaupaqman churasqaykirayku? (Mat. 6:33.)

Jehová Diospa ñaupaq, kunan, jamuq tiempopi ima ruwasqankunapi yuyaymanaqtinchisqa promesankunapi iñiyninchismi astawan wiñan (Rom. 8:31, 32).