Mosoq videon yanapawanchis estudiokunata tarinapaq
Askha runakunañan Internetpi jw.org nisqaman haykuspa ¿Imaraykun Bibliata estudianayki? nisqa videota qhawarqanku. Chay videoqa ruwakamurqan runakuna mana qolqellapaq Biblia estudiayta munanankupaq. Chay videota qhawanapaqqa jw.org nisqaman haykuspan “Bibliamanta estudiota mañakuy” nisqata ñit’iwaq, chaypi tarinki chay videota. Otaq mosoq tratadokunaq uranpi rikhurin huk huch’uy ch’eqchi cuadro, chayta celularpi kaq escáner nisqawan pasachiwaq. ¿Imaynatan chay videota utilizasunman? Qatiqninpi willawasun.
Visitasqanchis runaman kutispa nisunman: “Kanmi huk video, chaypin willashan imaynatas Biblia kutichin tapuyninchiskunaman chayta”, nispa. Sichus qhawayta munan chayqa, chayta qhawachisunman celularninchispi otaq computadoranpi.
Sichus maypipas kashaspa otaq askha runakunaq kasqanpi mosoq tratadota pimanpas qosunman chayqa, nisunmanmi: “Tratadoq uranpi kashan huk ch’eqchi cuadro, chayta celularniykipi escáner nisqawan pasachispa huk videota rikunki”, nispa. Otaq ñoqanchispuni celularninchispi qhawachisunman. Chay huch’uy ch’eqchi cuadron yanapawanchis ratulla chay videoman haykunapaq.
Chaymantapas chay videomanta willasunman llank’aqmasinchiskunaman, familianchisman, hukkunamanpas, munaqtinkutaq qhawachisunman. Otaq correonkuman apachisunman qhawanankupaq.
Sichus chay videota allinta utilizasun chayqa, hukkunawanmi estudiayta qallarisun, chhaynapin “wiñay kawsaypaq” hina kaqkunata yanapasunman (Hech. 13:48).