Sumaq invitacionta rakisun
1. ¿Hayk’aqmantapachan runakunaman invitamusunchis hatun huñunakuykunapaq?
1 Sichus amigoykiman sumaq mikhunata invitayta munanki chayqa, imaymanata ruwaspachá kallpachakunki chay sumaq mikhunata wayk’unaykipaq. Chay hinallataqmi 2014 watapi hatun huñunakuypaq, askha nacionkunamanta hatun huñunakuypaqpas imaymanata ruwakushan sumaq mikhuna espiritualta preparakamunanpaq. Jehová Diostaq ñoqanchisman encargawanchis runakunaman invitamunanchispaq. Kinsa semana ñawpaqtan chay huñunakuypaq invitamusunchis. ¿Imakunan yanapawasun tukuy sonqowan invitamunanchispaq?
2. ¿Iman yanapawasun tukuy sonqowan invitamunanchispaq?
2 Hatun huñunakuypiqa ancha sumaq mikhuna espiritualtan chaskisunchis chaytaqmi kawsayninchispi yanapawanchis, chaypi yuyaymanaymi yanapawasun tukuy sonqowan invitamunanchispaq (Is. 65:13, 14). Hinaspapas sapa wata invitasqanchisraykun runakunaqa huñunakuyninchisman hamurqanku. Wakin invitasqanchis runakunaqa ñoqanchiswanmi huñunakuypi kanqaku. Pisillaña hamunkuman chaypas chay llank’aypi yanapakusqanchiswanmi Jehová Diosta hatunchanchis, munakuq kasqantapas hukkunaman rikuchinchis (Sal. 145:3, 7; Apo. 22:17).
3. ¿Imaynatan invitacionkunata rakisun?
3 Sapanka iñiq t’aqamanta umalliqkunan qhawarinqaku imaynatachus invitacionta territoriopi rakikunanta. Paykuna qhawarillanqakutaq runakunaq kasqanpi, wasiyoq mana tarikuqtinpas chaypi invitacionta saqekunqachus icha manachus chaytapas. Semana tukuytaqa revistakunawan kuskatan invitacionta qosunman. Sichus chay sabadopi estudiokuna maskhay tupawanchis chayqa, manan chay ruwaypichu llank’asun, aswanpas invitacionkuna rakiypi. Invitación rakiyta tukusqanchis qhepamanqa kusisqa kasunchis tukuy sonqowan askha runakunaman invitamusqanchismanta.