Circuito asambleapaq mosoq programa

Jehová Diosqa lliwpa hatunchasqan kanan. ¿Imaynatan Jehová Diosta hatunchasunman? ¿Ima sasachakuykunatan wakin iñiqmasinchiskuna atipananku Jehová Diosta hatunchanankupaq? ¿Ima allinkunatan chaskinku kunan tiempopi Jehová Diosta hatunchaqkuna? Kay 2008 servicio watapaq circuito asambleaq programanpi chaymanta rimakunqa. Chay asambleaq titulonmi: “Lliwta ruwaychis Diosta hatunchanapaq” nisqa (1 Cor. 10:31). ¿Ima sumaq yachachikuykunata chaskisun chay iskay p’unchay asambleanchispi?

Distritoq superintendenten umallinqa Bibliamanta Allin Yachachiq Kanapaq Escuela nisqata, chaymantapas kay discursokunata qonqa: “¿Imanaqtinmi Diosta hatunchana?”, “Diospa kamachikuyninkunata allinta hunt’asun”, qollanqataq kay hatun discursota “¿Pikunan Diosta hatunchashanku?”, asamblea tukunapaqtaq qonqa “Jehová Diosta huk nisqalla hatunchasun teqsimuyuntinpi” nisqa discursota. Circuitoq superintendenten qonqa kinsa discursokunata: “Kusisqa k’ancharisun Diospa lliphlli kayninwan”, “Circuitopi imapin llank’ana”, “Cheqaq-kaypi allinta sayashallasun” nisqatawan, kay qhepa kaq discursoqa horqosqa kashan 2 Pedro 1:12 qelqamanta. Uyarillasuntaq kay discursotapas “Precursor kaspaqa Jehová Diostan hatunchanchis”. Kallanqataqmi iskay simposio nisqakuna. Ñawpaqkaqpa titulonmi “Tukuy imaymanapi Diosta hatunchasun” nisqa, kay simposiopin allinta t’aqwirikunqa 1 Corintios 10:31 versiculota. Iskaykaq simposioq titulontaq “Jehová Diosta hatunchasun munayninta ruwaspa”, chaypin rimakunqa Diosta servinapaq imaymana ruwaykunamanta. Domingopitaq t’aqwirikunqa Qhawaq revistata sapa p’unchaypaq textotapas. Kallanqataqmi bautismopas.

Yaqa llapan runakunan Dios reqsiyta mana munankuchu. Ruwaynillankupin afanasqa kashanku, manataq Jehová Diosta hatunchayta munankuchu (Juan 5:44). Ñoqanchismi ichaqa tiempota t’aqanchis imaynatachus ‘lliwta ruwasunman Diosta hatunchanapaq’ chayta yachananchispaq. Kallpachakusunchis iskaynin p’unchay asambleanchispi kanapaq makilla uyarinapaqpas.