¿Misionero jinachu kanku Jehová Diospa testigonkuna?

Arí. Llapa Testigokunapas maypiña tiyayku chaypas llapaykun kallpachakuyku misionero jina kanaykupaq, chaymi maypiña tarikuspapas rimashallayku Bibliamantaqa (Mateo 28:19, 20).

Wakin Testigokunaqa maypichus Diosmanta allin willakuykunata manaraq willakunchu chay llaqtakunamanmi astakunku, wakintaq juj nacionkunamanraq rinku Diosmanta willaq. Chhaynapin paykunaqa tukuy sonqowan junt’ashanku Jesuspa willasqan profeciata, paymi niran: “Jinan noqamanta willankichis [...] kay pachaq k’uchunkunakamaraq”, nispa (Hechos 1:8).

1943 watapin kichakuran “Galaad” nisqa escuela wakin misionerokuna chaypi preparasqa kanankupaq. Chay escuelamanqa jaykurunku pusaq waranqa más Testigokunañan.