¿Salvasqa kanankupaqchu wasin-wasinta predicanku?

Manan mayqenniykupas wasin-wasinta willaq purispachu salvasqa kasaqku (Efesios 2:8). ¿Imaraykun chayta niyku?

Kaypi piensay, yaqapaschá juj sumaq sonqo runa niwasunman: “Sumaq regalokunatan apamusaq, lliupas juj jawallapi suyawankichis” nispa. Chhaynataq chayqa, may kusisqachá suyakusunman chay apamunan p’unchay chayamunanta, familianchiskunamanpas wasimasinchiskunamanpas apuraychá willamusunman, chhaynapi paykunapas chaskikunankupaq. Ichaqa, ¿jamusqankuraykullachu chay runa paykunaman regalota qonqa? Manan ¿riki? Aswanpas qonqa regalayta munasqanraykun.

Chhaynan Jehová Diospas, payqa regalayta munasqanraykun kasukuq runakunaman wiñay kausay regalota qonqa (Romanos 6:23). Chaymi noqaykuqa jujkunapas chay regalota chaskikunankuta munaspa paykunaman willaq riyku. Ichaqa, allintan noqaykuqa yachayku mana Diosmanta willaspa purisqaykuraykuchu Diosqa salvawanankuta (Romanos 1:17; 3:28). Chaymantapas, ¿pitaq runari Diospa chhayna sumaq regalo qonanpaq? Bibliapipunin nin: “Payqa salvawaranchis manan imatapas allinta ruwasqanchisraykuchu, aswanpas khuyapayakuq kasqanraykun”, nispa (Tito 3:5).