Jesusqa millay runakunatan chinkachipunqa

Señorninchis Jesustaqa millay runakunan imaymana mana allinkunata ruwarqanku: millay ruwaqmantan tumparqanku, sinchitan maqaykurqanku, wañunanpaqtaq sentenciarqanku, jinaspa mana khuyapayaspa sinchita ñak’arichispa wañuchipurqanku manaña juchayoqchu karqan chaypas, Jesusqa juchamanta kacharichiwananchispaqmi noqanchisrayku vidanta qorqan (Mateo 20:28; Juan 15:13). Kunanqa Diospa gobiernonpin payqa reyña kashan, chaymi pisi tiempollamanta millay runakunata chinkachipunqa, jinaspa kay pachaman justiciata apamunqa (Isaías 42:3).

Bibliapiqa willashanmi imaynas kay pachapi kausay kanqa millay ruwaqkunata Jesús chinkachipuqtin:

• “Chinkapullanqan millay runakunaqa; maypichus kasharqanku chaytan qhawarinki, ichaqa manañan chaypiñachu kapunqaku. Llamp’u sonqokunan ichaqa kay jallp’ata chaskinqaku, chaypin may kusisqa, thaj nisqa tiyapunqaku” (Salmos 37:10, 11).

Munakuwasqanchisraykun Jesusqa imaymanakunata noqanchisrayku ruwarqan, jamuq tiempopipas imaymanakunatan ruwanqa. ¿Imatan ruwasunman chaykunamanta agradecido kasqanchista rikuchinanchispaq? Chaypaqqa tukuy atisqanchistan ruwananchis “Diospa gobiernonmanta allin willakuykunata” astawan yachananchispaq. Chay gobiernomantan Jesuspas runakunaman willarqan (Lucas 4:43). Chay gobiernomanta astawan yachanaykipaq leey “¿Iman Diospa gobiernon?“ nisqa yachachikuyta.