Benaya: Mana manchakuq valiente kasun

Benayaqa juj sacerdoteq churinmi karqan, allin maqanakuqtaqmi karqanpas. Payqa rey Davidta rey Salomontawanmi servirqan. Ichaqa yachasqanchis jinapas, sacerdotekunapas Leví runakunapas manan guerrakunanmanqa riqkuchu, Benayan ichaqa rirqan. Payqa mana manchakuq valiente runan karqan. Juj kutinmi payqa “juj pozoman jaykuruspa juj leonta wañuchirqan”, chaymantapas juj jatunkaray runatan wañuchillarqantaq. Davidqa confiarqanmi Benayapiqa, chaymi payta churarqan guardiakunata umallinanpaq (2 Sam. 23:​20-23).

Absalonwan Adoniaswanña taytanku David contra jatarirqanku chaypas, Benayaqa yanapashallarqanmi Davidtaqa (2 Sam. 8:18; 15:18; 1 Rey. 1:8). David kuraqña kapuqtinpas Benayaqa yanaparqanmi wawan Salomonta reyta churanankupaq (1 Rey. 1:​32-40). Jujkunaña David contra churakurqanku chaypas, Benayaqa tukuy sonqowanmi Jehová Diostapas churasqan reykunatapas kasukurqan.

Noqanchispas Benaya jinan Satanás contra qaqata sayananchis. Chaymantapas kallpachakunanchismi Jehová Diospa munayninman jina imatapas ruwananchispaq (Efes. 6:11; 1 Ped. 5:​8, 9). Jujkunaña payta saqepunkuman chaypas, noqanchisqa manan jayk’aqpas paymantaqa t’aqakunanchischu. Jehová Diosta tukuy sonqowan kasukusun chayqa bendeciwasunmi payqa (2 Sam. 22:26).