Jujkunata kallpachasun

Llapanchismanpas gustawanchismi iñiqmasinchiskunawan kuska kayqa ¿riki? Arí, paykunawan kaspaqa munaytan kallpachanakunchis. Bibliapunin kallpachawanchis jujkuna-jujkunawan kallpachanakunanchispaq (Rom. 1:​11, 12). ¿Imaynatan chayta ruwasunman?

Juñunakuypi comentaspa. Juñunakuykunapi comentaspaqa manan piensasqallanchistachu rimananchis, manan nishutachu vidanchismantapas rimananchis. Aswanpas imatas Bibliapi yacharqanchis, imatas Jehová Diosmanta yacharqanchis, imatas ñaupa tiempopi Dios sonqo runakunamantapas yacharqanchis chaykunatan willasunman. Iñiqmasikunawan rimaspapas imachá paykunata kallpachanman chaykunamantan rimananchis.

Imachus ruwasqanchiswan. Hermanonchiskunataqa ejemplonchiswanmi kallpacharisunman. Arí, sichus sasachakuypiña tarikuspapas Jehová Diosta tukuy sonqowan servishallasun chayqa, hermanonchiskunapas chayta rikuspan kaqta ruwanqaku. Chaymantapas sichus onqosqaña kaspapas nishu sayk’usqaña kaspapas juñunakuykunaman risunpuni chayqa, kaqtan juj hermanokunapas ruwanqaku.

¿Kallpachashankichu jujkunata imachus rimasqaykiwan imachus ruwasqaykiwanpas? ¿Kallpachashasunkichu juj hermanokunaq imachus rimasqankupas ruwasqankupas?