¿Imatan ruwasunman Bibliapi textokunata yuyarinanchispaq?

¿Ima texton qanman gustasunki? Yaqapaschá askha textokuna kashan. Wakin textokunaqa yaqapaschá kallpachasunki sonqochasunki ima. Wakinqa yaqapaschá mana allin piensaykuna jamuqtin yanapasunki (Sal. 119:​11, 111). Ichaqa manapaschá mayninqa faciltachu yuyarinki maypis kashan chay texto, imatapunis nishan chayta. ¿Imatan ruwawaq chaykunata yuyarinaykipaq? Chayta kaypi yachasun.

• JW Library ^® nisqapi marcakunawan yanapachikuy. Chay aplicación nisqapi Bibliata leeshanki chayqa, mayqen textotachá yuyariyta munashanki chayta marcay, jinaspa churay “Textos favoritos” nispa.

• Rikuna partepi churay chay gustasqasuyki textota. Wakinqa ima textochá gustan chaytan juj papelpi qelqanku, chaytataq espejopi o refrigeradoraq punkunpi k’askachinku. Wakintaq chay textotan fotota orqonku jinaspa celularninkuq pantallanpi o computadoraq pantallanpi churanku.

• Juj tarjetapi qelqay. Chay tarjetaq jujnin uyanpi qelqay chay textota, jujnin uyanpitaq ima nishanchus chay texto chayta qelqay. Chaymantataq jujnin ladonta qhawaspalla yuyariy ima nishanchus jujkaq ladonpi chayta.