¿Imatan ruwasunman tukuy yuyay Bibliata estudiananchispaq?

¿Imatan ruwawaq tukuy yuyay Bibliata estudianaykipaq? Qatiqpi yuyaychaykunan chaypaq yanapasunki.

• Maypichus estudianaykita allinta ajllakuy. Estudianayki cheqasqa ordenasqan kanan, allin k’anchayniyoq iman kanan. Munaspaqa mesapipas campopipas estudiawaqmi.

• Maskhay maypichus sapallayki estudiawaq chayta. Jesuspas chaytan ruwarqan. Payqa tutallamanta jatarispan “ch’in ladoman rirqan” Diosmanta mañakuq (Mar. 1:35). Qanpas chaytan ruwawaq. Mana atikuqtinqa familiaykiman willay ima horapis Bibliata estudianki chayta, chhaynapin tranquilo Bibliata estudianki.

• Celularniykita ch’inñichiy. Sichus celularpi otaq tabletpi Bibliata estudianki chayqa, ch’inñichiy otaq “modo avión” nisqapi churay. Chaymantapas sichus Bibliata estudiashaspa yuyarinki ima ruwanaykitapas chayqa, anotakuy chayta estudiasqayki qhepamanña ruwanaykipaq. Sichus reparanki mana tukuy yuyaychu estudiashasqaykita chayqa, juj ratu samariy jinaspa juj chhikanta purikachay.