Casarakuyqa wiñaypaqmi

Casado vidapi allinta kausaqkunaqa Jehová Diostan jatunchashanku, kusisqataqmi kankupas (Mar. 10:9). Mayqen iñiqmasipas qosanwan otaq esposanwan kusisqa kausananpaqqa Diospa kamachisqanman jinan parejanta allinta ajllakunan.

Nishu waynallaraq sipasllaraq kashaspaqa manan piwanpas reqsinakunaykiraqchu, chay tiempopiqa piwanpas puñunankuraykullan jujkunaqa casarakuyta munanku (1 Cor. 7:36). Solterollaraq kashaspan tiempoykita mana usuchispa Jehová Diosman astawan asuykunayki, allin sonqoyoq runa kanaykipaqtaq kallpachakunayki. Chaymi yanapasunki allin qosa otaq esposa kanaykipaq.

Manaraq piwanpas casarakunaykipaq rimanakushaspan, juj tiempota qokunayki reqsinakusqayki runa imaynachus kasqanta yachanaykipaq (1 Ped. 3:4). Sichus iskayashanki chayqa, reqsinakusqayki runawanmi chaymanta parlarinayki. Casado vidapiqa imatas qan ruwawaq chaytan astawanqa qhawarinayki, manan imatachus parejayki ruwanqa chaytachu (Filip. 2:3, 4). Soltero kashaspayki Diospa kamachikuyninkunata kasukunki chayqa, casarakusqayki qhepamanpas mana sasachakuspallan kasukunki, chaymi yanapasunki kusisqa kausanaykipaq.

CASARAKUYTA MUNAQKUNAPAQ. PARTE 3: “ALLINTAN TANTEAKUNA” NISQA VIDEOTA QHAWASPA, KAY TAPUYKUNATA KUTICHIY:

• ¿Imaynan qallariypi kasharanku hermananchis Shane hermanowan?

• ¿Imamantan hermananchis cuentata qokurqan Shane iñiqmasita reqsishaspa?

• ¿Imaynatan hermananchista tayta-maman yanaparqan, imatan pay ruwarqan?