Kinsa ruwaykunapin Diospi confiasqanchista rikuchisunman

Davidqa tukuy sonqonwanmi Diospi confiaran chaymi Goliat-ta wañuchiyta atiran (1 Sam. 17:45). Jehová Diosqa llapa serviqninkunatan yanapayta munan (2 Crón. 16:9). Kallpanchispi confiananchismantaqa Diospa yanapayninpin confiananchis, ¿imaynatan chayta ruwasunman? Kinsamanta yachasun.

• Diosmanta mañakushallay. Diosmantaqa manan juchanchismanta perdonawanallanchispaqchu mañakunanchis, aswanpas ima tentacionmanpas urmananchispaqña kashaqtinchismi mañakunanchis (Mat. 6:12, 13). Chaymantapas manan ima ruwasqanchispi yanapawanallanchispaqchu mañakunanchis, aswanpas allinta imatapas decidinapaqmi yanapayninta mañakunanchis (Sant. 1:5).

• Sapa kutilla Bibliata leeypas estudiaypas. Sapa p’unchaymi Bibliata leenayki (Sal. 1:2). Tiempotataq orqonayki Bibliaq willasqan runakunamanta imatachus yacharanki chayta reparanaykipaq, chayman jina ruwanaykipaq (Sant. 1:23-25). Chaymantapas preparakunaykin Diosmanta willanaykipaq, manan imachus yachasqallaykipichu confiakunayki. Chaymantapas preparakunaykin juñunakuypi tukuy yuyaywan uyarinaykipaq.

• Diospa llaqtanpi yanapakunaykipaq kallpachakuy. Diospa llaqtanpi chayllaraq lloqsimuq yachachikuykunata kamachikuykunatan makilla reparanayki, jinaspa chayman jina ruwanayki (Núm. 9:17). Chaymantapas usqhayllan kasukunayki umalliqkunaq kamachisqanta (Heb. 13:17).

¡AMA QATIKACHAYTA MANCHAKUYCHISCHU! NISQA VIDEOTA QHAWASPA, KAY TAPUYKUNAMAN KUTICHIY:

• ¿Imamantan llakisqa manchasqa kasharanku qhawasqanchis videopi hermanonchiskuna?

• ¿Imatan ruwaranku ama nishuta manchakunankupaq?