Jehová Dioswan Jesuswanmi kacharichiwasun

¿Familiaykita uywanaykipaqchu sasa kashan llapa ruwanaykikunawan junt’ay? ¿Yaqapaschá sapallayki wawaykikunata uywasqaykirayku sasa kashan paykunata manteney? ¿Yaqapaschá escuelapi compañeroykikuna qanmanta nishuta burlakunku? ¿Yaqapaschá onqoshanki otaq kuraq kasqaykirayku manaña kallpayki kanchu? Llapanchispaqpas kanpunin sasachakuyninchiskunaqa, wakin iñiqmasinchiskunan ichaqa askha sasachakuykunapi tarikushanku. Pisi tiempollamantan ichaqa chaykunamanta kacharichisqa kasunchis (2 Cor. 4:16-18).

Jehová Diosqa yachanmi imaynapi tarikusqanchista, kusikuntaqmi junt’aq kaqtinchis, aguantaqtinchispas, jinaspan prometewanchis jamuq tiempopi bendeciwananchispaq (Jer. 29:11, 12). Jesuspas yachanmi imaynapi tarikusqanchista, chaymi prometewanchis Diospaq llank’asqanchispi yanapawananchispaq (Mat. 28:20). Diospa gobiernonqa imaymanatan noqanchispaq ruwanqa, chayta yuyashallasun chayqa kusisqan kasun kanqataqmi kallpanchis ima llakikuytapas aguantananchispaq (Rom. 8:19-21).

MANCHAKUNAPAQ P’UNCHAYMI ASUYKAMUSHANÑA, CHAYRAYKU JESUSTA QHAWASHALLASUN NISQA VIDEOTA QHAWASPA KAY TAPUYKUNAMAN KUTICHIY:

• ¿Imaynapin runakuna Diosmanta t’aqakapuranku, iman chay jawa pasaran?

• ¿Imaynatan jamuq tiempopi kausanqaku Diosta kasukuqkuna?

• ¿Imatan Dios ruwaran wiñaypaq kausananchispaq?

• ¿Diospa promesankunamanta mayqen kaqtan tukuy sonqowan suyakushanki?