DIOSPAQ JINA KAUSASUN
Wayna-sipaskuna, ¿allin amigontinchu Jehová Dioswan kankichis?
¿Amigoyki imayna kanantan munawaq? Yaqapaschá munawaq munakuq, sumaq sonqo, qoykukuq kananta. Jehová Diosqa chay jina amigonchismi (Éx. 34:6; Hech. 14:17). Payqa uyarisunkin mañakuqtiyki, necesitasqayki ratopitaq yanapasunki (Sal. 18:19, 35). Chaymantapas perdonasunkin juchallikusqaykita (1 Juan 1:9). ¡Payqa allin amigonchispunin!
¿Imatan ruwanayki Diospa amigon kanaykipaq? Bibliatan leenayki, chhaynapin payta reqsinki, paypitaq confianayki (Sal. 62:8; 142:2). Jehová Diosqa munanmi Churinpi, gobiernonpi, promesankunapipas confiananchista, chaytataqmi ruwanayki. Jujkunamantaq Jehová Diosmanta willanayki (Deut. 32:3). Sichus tukuy atisqaykita ruwanki Dioswan amigontin kanaykipaq chayqa, wiñaypaqmi paywan amigontin kanki (Sal. 73:25, 26, 28).
WAYNA-SIPASKUNA: RIKUYCHIS SUMAQ SONQOYOQ JEHOVÁ DIOS KASQANTA NISQA VIDEOTA QHAWASPA, KAY TAPUYKUNATA KUTICHIY:
¿Imakunatan ruwanayki Diosman prometekuspa bautizakunaykipaq?
¿Imaynatan iñiq t’aqapi hermanokuna yanapasunkikuman Jehová Diosta allinta servinaykipaq?
¿Imaraykun Diosmanta willasqayki yanapasunkiman Dioswan allin amigontin kanaykipaq?
Wiñaypaqmi Jehová Diospa amigon kawaq
¿Imakunata ruwaspan Jehová Diosta astawan serviwaq?
¿Jehová Diospa imayna kasqanwanmi astawan kusikunki?