Dioswan amigontin kasqanchistan cuidananchis

Jehová Diospa testigonkunaqa tukuy atisqanchistan ruwananchis ancha jatun Diosninchiswan allin amigontin kananchispaq. Diosninchisqa Churinwanmi pusamuwaranchis, uyarintaqmi mañakusqanchistapas (Sal. 34:15; Juan 6:44).

¿Imata ruwaspan Jehová Dioswan amigontin kasqanchista cuidasunman? Chaypaqqa manan Israel runakunaq ruwasqanta ruwananchischu. Jehová Diosllata servinankupaq prometekusqanku qhepallamanmi qorimanta ruwasqanku torilloman k’umuykuranku (Éx. 32:7, 8; 1 Cor. 10:7, 11, 14). Chaymi tapukunanchis: “¿Imatan ruwani mana allin ruwayman sonqoy aysawaqtin? ¿Ima ruwasqaypipas rikuchishanichu Diosta munakusqayta?”, nispa. Tukuy sonqonchiswan Diosninchista munakusun chayqa, manan cheqnikusqantaqa ruwasunchu (Sal. 97:10).

KALLPACHAKUSUN DIOSWAN AMIGONTIN KASHANALLANCHISPAQ (COL. 3:5) VIDEOTA QHAWASPA, KAY TAPUYKUNATA KUTICHIY:

• ¿Imataq sinchi munapayayri?

• ¿Imanaqtinmi sonqonchismanta orqonanchis sinchi munapayayta idolokuna adoraytapas?

• ¿Imapin tupan wasanchaywan ídolo adoraywan?

• ¿Imanaqtinmi umalliqkuna askha ruwanayoqña kashaspapas esposankuq imachus necesitasqantapas atiendenanku?