¿Imatan yachasunman unayña Diosta serviq hermanokunamanta?

Iñiq t’aqaykipiqa kanchá unayña Jehová Diosta serviq hermanokuna. Paykunaqa yanapawasunmanmi Jehová Diospi confiananchispaq. Chaymi paykunata tapusunman ñaupaqpi Diospa llaqtan imayna kasqanmanta ima sasachakuykunatachus Diospa yanapayninwan aguantasqankumantawan. Familiantin Diosta adorasqaykichispin chaykunamanta paykunata tapuwaqchis.

Sichus unayña Jehová Diosta servishanki chayqa, wayna-sipaskunamanmi willawaq imaynatas Jehová Dios yanaparasunki chayta. Jacobpas Josepas familiankunamanmi willaranku Jehová Dios paykunarayku imakunatachus ruwasqanta (Gén. 48:21, 22; 50:24, 25). Qhepamanmi Jehová Diosqa familiapi umalliqkunata kamachiran wawankuman Diospa ruwasqankunata willanankupaq (Deut. 4:9, 10; Sal. 78:4-7). Kay tiempopipas tayta-mamakuna juj hermanokunapas willanankun wayna-sipaskunaman Jehová Diospa imaymana ruwasqanmanta.

QATIYKACHASQAÑA KASPAPAS JUJ NISQALLAN KANCHIS NISQA VIDEOTA QHAWASPA KAY TAPUYKUNAMAN KUTICHIY:

• ¿Imaynatan Austria sucursalmanta hermanokuna qatiykachasqa hermanokunata yanaparanku?

• ¿Imatan hermanonchiskuna ruwaranku allin iñiyniyoq kashanallankupaq?

• ¿Imanaqtinmi Diospa llaqtanmanta t’aqakuranku Rumania nacionmanta askha hermanokuna? ¿Iman paykunata yanaparan Diospa llaqtanman kutimpunankupaq?

• ¿Imapin yanapasunkiman kay videopi yachasqayki?