Kallpachakuy aswan allinta predicanaykipaq: Imachus yachay munasqankumanta rimay

¿IMARAYKUN ALLINPUNI? Ajllasqa cristianokunapas waj ovejakunapas llapan runakunatan invitashanku gratislla “kausay unuta” ujanankupaq (Apo. 22:17). Chay unuqa Jehová Diospa tukuy imaymanata runakunarayku juchamanta wañuymantapas kacharichinanpaq ruwasqanmi kashan. Jujniray costumbreyoq religionniyoq runakunata yanapananchispaqqa, paykuna uyariwananchispaq jinan “wiñaypaq allin willakuykunata” apananchis (Apo. 14:6).

¿IMAYNATAN RUWAWAQ?

• Runakunaq sonqoman chayanaykipaq jina allinta Bibliamanta textokunata ajllay, imamantachus rimanki chaytapas. Ajllawaqmi runakunawan rimanapaq nisqamanta juj yachachikuyta otaq imamantachus uyarisunkiku chaymanta rimawaq. ¿Ima willakuyta otaq ima textomanta leeqtiykin runakuna uyarisunki? ¿Imakunamantan runakuna astawan rimashanku? ¿Imakunamantan qharikunapas warmikunapas rimayta munanku?

• Tiyasqayki llaqtapi imayna costumbreyoq kasqankuman jina napaykuypas rimaytapas qallariy (2 Cor. 6:3, 4).

• Yachachinapaq herramientakuna nisqapi kaq qelqakunamanta videokunamantapas allintan yachanayki, chhaynapin yachay munaqkunata allinta yanapanki.

• Tiyasqayki llaqtapi ima simipi runakuna rimasqanman jina qelqakunata videokunatapas internetmanta orqoy.

• Runakuna imamantachus rimayta munanku chayman jina rimay (1 Cor. 9:19-23). Sichus yachachisqayki runa willasunkiman pi familianpas wañukapusqanta chayri, ¿imatan niwaq?

VIDEOTA QHAWACHIY, CHAYMANTATAQ KAY TAPUYKUNATA KUTICHIY:

• ¿Imamantan hermano rimayta qallariran?

• ¿Iman llakichiran chay runata?

• ¿Imaraykun leesqan texto allinpuni karan?

• ¿Imamantan rimayta qallarinki tiyasqayki llaqtapi runakuna uyarinasuykipaq?