Diosqa manan qonqanchu allinkuna ruwasqanchista

Jehová Diosta serviqkunaqa atisunmanmi paypaq imaymana ruwayta, chay ruwasqanchiskunaqa manan qonqasqachu kanqa. Imaynan juj munakuq taytapas yuyarin wawankuna allinkuna ruwasqankuta, chhaynatan Jehová Diospas yuyarin allinkuna ruwasqanchista, sutinta munakuspa imaymana ruwasqanchistapas (Mat. 6:20; Heb. 6:10). Lliupapas kausayninchispi imayna tarikusqanchisqa manan kaqllachu, jinaspapas manan kaqllachu imakuna ruway yachasqanchispas (Gál. 6:4; Col. 3:23). Askha watakunan waranqanpi iñiqmasikuna Betelpi serviranku. Qanpas atiwaqmi Betelpi llank’ayta. Sichus mana atiwaqchu chayqa, jujkunatan animawaq chaypi llank’ananpaq otaq jujnin familiaykita yanapawaq Betelpi llank’ashanallanpaq.

¿IMATAN RUWANAYKI BETELMAN RINAYKIPAQ? NISQA VIDEOTA QHAWAY, CHAYMANTATAQ KAY TAPUYKUNATA KUTICHIY:

• ¿Iman kallpachawananchis Betelpi servinanchispaq?

• ¿Imatan wakin iñiqmasikuna niranku Betelpi servispa bendicionkuna chaskisqankumanta?

• ¿Imakunan necesitakun Betelpi servinapaq?

• ¿Imatan ruwanayki Betelpi servinaykipaq?