Cristianokunaqa munakuq kaspan reqsichikunchis: Ama allinnillanchistachu maskhasun nitaq phiñakusunpachachu

IMARAYKUN ALLINPUNI: Jesusmi niran cristianokunaqa munanakuq kasqankumantan reqsisqa kananku karan (Juan 13:34, 35). Jesús jina munakuq kanapaqqa jujkunapin piensananchis, manataqmi phiñakunapachachu (1 Cor. 13:5).

IMAYNATAN RUWASUNMAN:

• Ñaupaqtaqa qhawarina iman problema karan, imaraykun pipas mana controlakuspa imatapas niwaranchis otaq phiñachiwaranchispas (Prov. 19:11).

• Lliupas juchayoq kasqanchistan yuyarinanchis, chayraykun mayninpiqa mana allinta rimarunchis otaq ruwarunchis chaymantaña arrepentikunchis.

• Usqhayllan arreglapunanchis.

‘QANKUNAPURA MUNANAKUYCHIS’: MUNAKUQQA MANAN IMAMANTAPAS PHIÑAKUNPACHACHU NISQA VIDEOTA QHAWAY, CHAYMANTATAQ KUTICHIY:

• ¿Imaynatan reaccionaran Daniel Tomaspa rimarisqanmanta?

• ¿Iman yanaparan Tomasta ama discutinankupaq?

• ¿Tomás sumaq simikunawan kutichisqan imaynatan yanaparan iskayninkuta?