Cheqaq kaqta yachachisun

Setiembre killamantapachan Diospaq kausasunchis, juñunakuypi yachanapaq qelqapi predicanapaq juj mosoq yanapay lloqsimunqa “Cheqaq kaqta yachachisun” nisqa. Chayqa Bibliapi juj importante yachachikuyta yachachinapaqmi. Chaypaqmi juj tapuyta ruwasun juj textowantaq kutichisun.

Wasiyoq interesakuqtinqa visitanapaqmi preparasunman, chaypaqmi juj qelqata saqesunman otaq jw.org nisqamanta juj videota rikuchisunman. Chay p’unchaykunallapin kutisunman astawan parlanapaq. Inglés simipi Imatapunin libromantan lloqsimunña pisiyachisqa juj mosoq libro, fácil entiendeylla. Chay mosoq libropi tarikuq “Pisillapi yachachikuy” nisqamantan orqokunqa qelqakunata munachinapaq, estudiantekunapaq asignacionkunapas. Quechuapiqa Imatapunin librotan utilizasun, chaypiqa allin yanapaykunatan tarinchis Bibliallawan revisitakunata ruwanapaq estudiokunata qonapaqpas.

Juj ñanllan apan wiñay kausaymanqa (Mat. 7:13, 14). Runakunaqa juj creenciakunayoqmi kanku juj lado llaqtakunamantataq kankupas, chaymi Bibliapi cheqaq kaqtaqa sumaqta uyarikunankupaq jina willananchis (1 Tim. 2:4). Sichus Bibliamanta willaq temakunamanta aswanta yachasun, jinallataq “cheqaq-kay simita” aswan allinta utilizasun chayqa, kusikuytan tarisun aswan askha runakunatataq yanapasun (2 Tim. 2:15).