Llapa tupasqayki runakunaman Diospa gobiernonmanta willay

1. ¿Imatan yachanchis Davidpa ruwasqanmanta?

¹ Rey Davidmi munarqan Jehová Diospaq yupaychana wasi ruwayta. Ichaqa manan Dios munarqanchu. ¿Imatan David ruwarqan? Manan hinallachu karqan, aswanmi tukuy atisqanta ruwarqan churin Salomón chay wasita sayarichinanpaq (1 Rey. 8:17-19; 1 Crón. 29:3-9). Arí, payqa manan mana ruway atisqanmanta llakikuspachu hina karqan, aswanmi imakunatachus ruway atisqanpi yuyaykurqan. ¿Imaynatan ñoqanchispas Davidpa ruwasqanta qatikusunman?

2. ¿Imakunatan ruwawaq astawan Diosta servinaykipaq?

² Tukuy atisqaykita ruway. Askha iñiqmasikunan ruwanankuta pisiyachispa precursor auxiliar otaq precursor regular kashanku (Mat. 6:22). Qanri, ¿kallpachakuwaqchu precursor kanaykipaq? Chaypaq ñawpaqta Diosmanta mañakuy hinaspa qhawariy imakuna ruway atisqaykita. Yaqapaschá reparanki astawan ‘llank’anaykipaq kusapuni kashasqanta’. Chhayna kaqtinqa chayta ruway (1 Cor. 16:8, 9).

3. Manaña precursor kayta atiwaqchu chaypas, ¿imakunatan ruwawaq predicanaykipaq?

³ Sichus mana precursor kayta atiwaqchu chayqa, tukuy atisqaykiman hinan predicawaq. Yaqapaschá llank’anaykipi tupasqayki runakunaman predicawaq. Sichus onqosqa kashanki chayqa, doctormanmi otaq hospitalpi llank’aqkunaman predicawaq. Hinaspapas kayta yuyariy: Sinchi onqosqa otaq yuyaqña kaqkunapas atisqankuman hinan 15, 30 otaq 45 minutollata killapi llank’ankuman. Chaymantapas yupanaykin iskay kinsa minutolla predicasqaykita, qelqakuna saqesqaykita, tratadokuna saqesqaykitapas. Chaykunata killapi yupaspaqa manan pisichu kanqa.

4. ¿Ima ruwanapaqmi llapanchispas kallpachakusun?

⁴ Imaynapiña tarikusunman chaypas, llapa tupasqanchis runakunamanmi Diospa gobiernonmanta willananchis. Chayta ruwasun chayqa kusikusunmi tukuy atisqanchista predicasqanchismanta (Mar. 14:8; Luc. 21:2-4).