¿Imamantan ‘kusikunanchis’?
1. ¿Imamantan sapa killa tukuyta kusikunchis?
1 Killa tukuyta informenchista entregaspan lliwpas kusikunchis (Gál. 6:4). Hinaña wakinqa 15 minutollatapas predicarqanchis otaq precursor especial kaspa 130 horata ruwarqanchis chaypas, Jehová Diosta servisqanchismantan anchata kusikunchis (Sal. 100:2).
2. ¿Imaraykun Jehová Diosman allin kaqta qonanchis?
2 Jehová Diosmi Ancha Hatun Kamachikuqqa chaymi allin kaqta qonanchis (Mal. 1:6). Payta munakusqanchisraykun prometekurqanchis tukuy kawsasqanchis tiempo servinanchispaq. Chaymi ancha kusisqa sientekunchis sapa p’unchay sapa killa tukuyta tiemponchismanta, ima yachasqanchismanta, kallpanchismantapas allin kaqninta qosqanchisrayku (Pro. 3:9). Ichaqa conciencianchis niwanchis astawan ruway atisqanchista chayqa, kasunanchismi yuyaykunanchistaq imaynatas astawan Dios serviyninchista yapasunman chayta (Rom. 2:15).
3. ¿Imaraykun mana allinchu hukkunawan tupanachikuy?
3 ‘Ama hukpa kawsasqanwan tupanachispachu.’ Manan allinchu kanman hukkunawan tupanachikuyqa otaq wayna-sipas kashaspa imaymana ruwasqanchispi yuyaykuypas. Yachasqanchis hina imaynapi tarikusqanchis, imakuna ruway atisqanchispas manan kaqllachu. Tupanachikuspaqa hukkunawan qhawanakuspan atipanakuspa imatapas ruwasunman otaq mana atiqpaq hina qhawarikusunman (Gál. 5:26; 6:4). Jesusqa runakunatan “kusa” nirqan imachus ruwasqankumanta manataqmi hukkunawanchu tupanachirqan (Mar. 14:6-9).
4. ¿Imatan yachanchis Jesuspa willasqan rikch’anachiymanta?
4 Jesuspa churasqan rikch’anachiypiqa kamachikunan qolqeta chaskirqanku “llank’ay atisqankuman hina” (Mat. 25:15). Patrón kutimuqtinmi atisqankuman hina llank’aqkunatan nirqan: “Kusapuni, allin hunt’aq kamachi [...] kunanqa ñoqawan q’ochukuy”, nispa (Mat. 25:21, 23). Sichus ñoqanchispas predicacionta makilla aparisun chayqa, Diospa allin qhawarisqanmi kasun, ancha kusisqataqmi sientekusun.