Llank’asqanchismanta allin willakuykuna

Ancha kusisqan willamuykichis Perú nacionpi quechua simipi predicay mast’arikusqanmanta. Kay wata enero killapaqmi 2.876 predicaqkuna karqanku, 52 iñiq t’aqakunapi 77 grupokunapiwan. 10 killapin 730 predicaqkuna yapakurqan. Hinaspapas huk simikunata yachanankupaq ruwakusqanpas yapakushallantaqmi. Qayna watapipas 9 kutipin yachachikurqan huk simikunata wakintaq ruwakunqaña. Chaypin sut’ita reparanchis hanaq pachanta ángel phalashaqqa allin willakuykunata tukuy t’aqa rimaqkunaman willashasqanta.