Escuelapi yachasqanchismanta yuyarisun

2010 watapi 30 agosto semanapin, Escuelata umalliq 5 julio semanamanta 30 agosto semanakama yachasqanchismanta yuyarichinqa. Chaypaqmi qatimuq tapuykunata tapunqa iskay chunka minutollapi.

1. ¿Imaynatan yupaychana wasita inaugurakushaqtin Salomonpa mañakusqan rikuchiwanchis Jehová sumaq Dios kasqanta? (1 Rey. 8:22-53.) [w05-S 1/7 pág. 30 § 3; it-2-S pág. 912 § 1.]

2. Askha kutipiña David pantarqan chaypas, ¿imaraykun nisunman ‘tukuy sonqowanmi’ Diosta servirqan nispa? (1 Rey. 9:4.) [w97-S 1/5 pág. 5 § 1, 2.]

3. ¿Imaraykun Sabá llaqtamanta reina Salomonta nirqan: “¡Ancha kusisqachá oficialniykikunapas! Paykunaqa qayllaykipi kaspanku uyarishallankupunin yachaysapa simiykikunata”, nispa? (1 Rey. 10:4-8.) [w99-S 1/11 pág. 20 § 5-7.]

4. ¿Imatan yachanchis Jehová Dios Abiasta sumaqta p’ampapunankupaq kamachisqanmanta? (1 Rey. 14:13.) [cl-S pág. 244 § 11.]

5. ¿Imaraykun para mana kananmanta chay p’unchaykunapi Ahabman Eliaspa willasqan ancha importante karqan? (1 Rey. 17:1.) [w08-S 1/4 pág. 19, recuadro.]

6. ¿Ima ninantan Elías nisharqan “iskay yuyaypi kankichis” nisqanwan? (1 Rey. 18:21.) [w08-S 1/1 pág. 19 § 2, 3.]

7. Eliasman qhawarichisqan hina, ¿imapaqmi Jehová Dios kamachinkunaman atiyninta rikuchin? (1 Rey. 19:1-12.) [cl-S pág. 43 § 15, 16.]

8. ¿Imaraykun Nabot chakranta mana vendeyta munarqanchu Ahab reyman? ¿Imatan chaymanta yachanchis? (1 Rey. 21:3.) [w97-S 1/8 pág. 13 § 18-20.]

9. ¿Imaynapin Sunem llaqtayoq warmi Eliseota ‘khuyapayarqan’? (2 Rey. 4:13.) [w97-S 1/10 pág. 30 § 6-8.]

10. ¿Imaraykun Eliseo Naamanpa regalonta mana chaskikurqanchu? (2 Rey. 5:15, 16.) [w05-S 1/8 pág. 9 § 2.]