Allin ruwaykunata ‘usqhaylla ruwasunchis’
1 Jesusqa allintan qatikuqninkunata yachachiran manaraq predicaq rishaqtinku (Mat. 10:5-14). Ñoqanchispas imaymana ruwanayoqña kanchis chaypas, preparakunanchismi predicananchispaq, chhaynapi aswan allinta predicasunchis (2 Cor. 9:6).
2 Imaynata preparakusunman: Preparakuspaqa predicacionpi munachinanchispaq qelqakunamanta allinta yachananchis. Hinaspapas yuyaykunanchis predicananchis runakunapi. ¿Imakunan llakichinman? ¿Imakunapin creenkuman? Chaypaq yanapawasunman Reinopaq Servicionchis, Razonamiento a partir de las Escrituras nisqa libropas.
3 Runaman Diosmanta Yachachinapaq huñunakuypipas allinta qhawachikun imayna predicaymanta, chaytapas tukuy yuyaywanmi uyarinanchis. Hinaspapas, sapa kutilla preparakusunchis chayqa, manañan askha tiempopiñachu preparakusun. Chaywanpas kallpachakushanallanchismi aswan allinta predicananchispaq ñawpaqmantataq yuyaykunanchis imayna predicananchista, chayta ruwaqtinchisqa aswan allintaraqmi predicasun. Chaymantapas predicacionman lloqsinapaqqa hunt’asqata apananchis predicananchispaq necesitasqanchiskunata.
4 ¿Imatan ruwasunman preparakusqanchista yuyarinapaq? Askha kutita kunkayoqta practicasunman. Wakin wayqe panakunaqa familiapi Bibliata estudiaspa wakmanta rimarinku imayna predicanankupaq preparakusqankuta. Wakintaq imayna predicanankumanta qelqanku, chaytataq qhawarinku manaraq punkuta takaykushaspa.
5 ¿Imaraykun allinpuni preparakuy? Preparakuspaqa allintan predicasunchis kusikuywantaq predicasun. Manataq manchakusunchu. Chhaynapin predicasqanchis runakunata allinta uyarisun. Chaymantapas munachinanchispaq qelqakunamanta allinta yachaspaqa aswan kusikuywanmi munachisun.
6 Biblian yuyaychawanchis ‘allinkaqkunata usqhaylla ruwananchispaq’ (Tito 3:1). Manan imapas kanmanchu allin willakuykunata predicay hinaqa. Allinta preparakuspaqa predicasqanchis runakunata respetanchis hinallataq Jehová Diostapas, paypa kamachisqanmi chay llank’aytaqa ruwanchis (Isa. 43:10).