Cristota qatikusun predicayninchispi
1 Jesusmi yachachiwaranchis imayna predicanata. Diostapas runakunatapas anchatan munakuran, chaytan rikuchiran askha kutipi imaymana ruwasqanpi. Llanp’u sonqo runakunamanmi cheqaqta yachachiran, pisichasqakunapaqpas llakisqakunapaqpas allinkunata ruwapuran (Mat. 9:35).
2 Jesuspa ruwasqanta yachachisqantapas qatichikusun: Jesusqa manan politicaman chhaqrukuranchu, nitaq runakuna yanapaypichu afanakuran. Wakin ruwaykunaña allin karan chaypas manan aswan allin ruwananta qhepancharanchu (Luc. 8:1). Diospa Reinonmanta allin willakuykuna predicaytan ñawpaqman churaran, chay Reinollan wiñaypaq runakunaq sasachayninta allichanqa. Payqa pisi tiempollapin hunt’anan karan hatun llank’ayninta. Capernaum llaqta runakuna Jesusta qhepakunanpaq niqtinkun, Jesusqa yachachisqankunata niran: “Hakuchis qaylla llaqtakunata, chaypipas Diospa siminta willamunaypaq, chaypaqmi kay pachamanqa hamurqani”, nispa (Mar. 1:38).
3 Jesusqa yachachisqankunamanmi kacharan predicanankupaq kay hinata kamachispa: “Rispataq willamuychis: Hanaq pacha qhapaqsuyun sispaykamun”, nispa. (Mat. 10:7). Qatikuqninkunata yachachiran Diospa Reinonta ñawpaqman churanankupaq (Mat. 6:33). Jesús hanaq pachaman kutipunanpaqña kashaqtinmi, yachachisqankunaman sut’ita willaran ima ruwanankuta: “Chayrayku, rispa llapa suyu runakunata yachachimuychis, yachachisqaykuna kanankupaq”, nispa (Mat. 28:19).
4 Diospa Reinonmantan predicananchis: Jesusqa Diospa Reinonmantan astawan predicaran, qatikuqninkunamanpas chayta ruwanankupaqmi kallpacharan. Maytaña runakuna kallpachakunkuman chaypas, manan atinkumanchu sasachakuyninkunata allichayta (Jer. 10:23). Diospa Reinollanmi sutinta ch’uyanchanqa runapaqpas thak kawsayta apamunqa (Mat. 6:9, 10). ‘Llapan millay qhelli mana chanin ruwasqakunamanta llakikuspa khuyay kaqkunataqa’, Diospa Reinonmanta uyariymi yanapanman kay tiempopi kusisqa kawsanankupaq, Diospa qosqan suyakuypipas qaqata hap’ipakunankupaq (Eze. 9:4).
5 Jesusqa umallishallanmi allin willakuykuna predicaypi, paymi niwanchis: tukukuykaman qankunawan kasaq, nispa (Mat. 28:20). ¿Maykaman Jesusman rikch’akushanchis predicayninchispi? (1 Ped. 2:21.) Kay tukukuy p’unchaykunapiqa tukuy atisqanchista ruwasun predicayninchispi Jesusta qatichikunanchispaq.