Tapuykuna

◼ ¿Allinchu kanman mawk’a cosaskunata vendespa, otaq huk hinamantapas congregacionpaq qolqe huñuy?

Wakin religionpiqa imaymanatan ruwanku qolqeta huñunankupaq: mikhunata vendenku fiestakunatapas ruwanku. Wakinña ninkuman: allinpaqmi kaykunata ruwashayku nispa chaypas, chayta ruwayqa qolqe mañakuymi, Jehová Diospa testigonkunaqa manan chayta ruwankuchu.

Chayllaraq iskay revista lloqsimushaqtin 1879 wata agosto killa Watch Tower (La Torre del Vigía) revistapin willakuran ima rayku manan huk iglesiakuna hina qolqeta mañakunchischu chayta: “‘La Torre del Vigía de Sión’ nisqa revistaq yanapaqninqa JEHOVÁ Diosmi, chay rayku manan hayk’aqpas runakunamanta qolqeta mañapakunqachu nitaq valekunqapaschu. May pachachus: ‘Orqokunapi kaq qoripas qolqepas noqaqmi’ niq, manaña necesitasqanchista qowasunchu, chay pachan yachasun kay qelqata tatichinapaq tiempo chayamusqanta”, nispa.

Noqanchisqa Bibliaq kay kamachisqanta kasukunchis: “Sapanka imaynatachus sonqonpi yuyaykusqanman hina qochun, ama llakisqachu, amataq kamachisqa hinapaschu. Diosqa kusisqa qoqtan munakun” (2 Cor. 9:7). Huñunakuna wasipi kan sapankaq munasqanman hina donación churanapaq cajakuna (2 Rey. 12:9). Manan qolqeta mañakunchu, donación churaqqa mana imapas chaskinan raykulla churan.