Imayna predicanata maskhasun
1 Imaymana runan congregacionpi tarikun, hinaña kaqtinpas llapallanchismi Jehová Diosta yupaychayta munanchis (Sal. 79:13). Onqoychu icha ima sasachakuychu pisiyachishan allin willakuykuna willananchista chayqa, ¿imaynata predicasunman?
2 Sapa p’unchay ruwayninchispi: Jesusqa maypipas runakunawan tupasqanpi rimaran. Contribución cobrana cheqas kayllata purishaspanmi Mateowan rimaran, Zaqueowantaq huk llaqtaman rishaspa, Samaria llaqtayoq warmiwantaq samashaqtin (Mat. 9:9; Luc. 19:1-5; Juan 4:6-10). Noqanchispas sapa p’unchay ruwayninchispi hukkunawan rimanakushaspanchis predicayta atisunmanmi. Astawanqa suyakuyninchismanta rimanapaq kallpachakusunchis sichus Bibliata hap’inchis tratadokunata otaq folletokunatapas chayqa (1 Ped. 3:15).
3 ¿Sasachashanchu ima onqoypas wasin-wasin predicanaykita? Chhayna kaqtinqa rimawaqmi hanpishasunki chay medicokunawan otaq watukamusuqniykikunawanpas (Hech. 28:30, 31). Manachus wasiykimanta lloqsiyta atinki chayqa, ¿predicawaqchu telefonopi otaq cartakunata qelqaspa? Mana iñiq familiankunawan qelqanakuq huk pananchisqa cartanpi qelqallanmi Bibliamanta kallpachaq yachachikuykunata, predicasqanmanta allin experienciakunatawan.
4 Llank’anapi escuelapipas: Jehová Diosta yupaychay munasqanchismi kallpachawasun allin willakuykunata muhuta hina t’akarinanchispaq llank’ananchispi escuelapipas. Pusaq watallayoq publicadormi yachaq-masinkunaman willaran ¡Despertadpa! Killamanta rimasqanta. Maymantachus chay yachayta horqomusqanta yachaspanmi yachachiqninqa La Atalaya, ¡Despertad! revistakunata sapa kutillan chaskikuyta munasqa. Llank’anapipas ¿Qué enseña realmente la Biblia?, nisqa librota rikunallankupi saqeqtinchisqa, tapuwasunmi chhaynapi predicananchispaq.
5 ¿Imaynatawanraq predicawaq sapa p’unchay ruwanaykikunapi? Kallpachakusun atisqanchisman hina sapa p’unchay ‘Diosman yupaychay sacrifiota qonanchispaq’ (Heb. 13:15).