Angelkunan yanapawanchis
1 “¡Yachaychis!, runakunaq kamachisqan tiempoq tukunankaman qankunawan sapa p’unchay kasaq”. Kay simikunan anchata kallpachan Jesuspa kamachisqan kasukuqkunata, paymi niran: “Riychis yachachimuychis, ñoqaq discipuloy kanankupaq”, nispa (Mat. 28:18-20). Angelninkunawan yanapachispan Jesusqa cheqaq cristianokunawan kashan (Mat. 13:36-43). Kusikunapaqmi, chay mana rikuna espiritukunawan kuska “wiñaypaq allin noticiakuna” willayqa (Rev. 14:6, 7).
2 Serviciopi. Bibliaq willasqan hinan “salvación chaskiq runakunarayku” Diosqa angelkunata kachamun” (Heb. 1:14). Qallariy siglopin mayninpiqa Jesuspa discipulonkunata angelkuna pusaran Diospa mensajen chaskikuy munaqkunaman (Hech. 8:26). Kunanpas Diosta serviqkunaqa reparankun angelkunaq pusasqanta. Askha runakunan willanku manaraq Testigokuna visitashaqtin oracionpi Diospa yanapaynin mañakusqankuta. ¡Anchatan kusikunchis ñoqanchispas angelkunapas Diospa reinonmanta mensajeta chay runakunaq kasukusqanwan! (Luc. 15:10.)
3 Ñoqanchis contrapi kaqtinku. Danielpas, hebreo masi kinsantin compañeronkunapas, huk wayqe panakunapas hatun pruebakunapi tarikuspankun rikuranku “atiyniyoq” angelkunawan Jehová Diospa cuidachisqanta (Sal. 103:20; Dan. 3:28; 6:21, 22; Hech. 12:11). Ñoqanchis contrapi churakuqtinku mana ima ruwayta atispaqa, yuyarisun Eliseo serviq Guehazipa rikusqanta “askhan ñoqanchiswan kaqkuna, paykunawan kaqkunamantaqa” (2 Rey. 6:15-17). Mana munashaqtinchisña cristiano wayqe pananchismanta t’aqawasun chaypas ama manchakusunchu. Diospa Palabranmi asegurawanchis: “Jehovaq angelninmi payta manchakuqkunaq muyuriqninpi sayashan, nispa (Sal. 34:7).
4 Pisi tiempollamantan, angelkuna tukunqa Cristoq gobiernon contrapi churakuqkunata (Rev. 19:11, 14, 15). Chay p’unchaypa chayamunankamaqa, valorwan Jehovata alabashallasun, Cristoq kamachisqan angelkunaq yanapasqan (1 Ped. 3:22).