Limpio kasun conductanchispi
1. ¿Imaraykun ch’uya kananchis conductanchispi?
1 Ch’uya Dios Jehová serviqkunaqa, kallpachakunchismi conductanchispi limpio kananchispaq (1 Ped. 1:15, 16). Chayraykun Jehovaq kamachisqanta kasukunchis tukuy kawsayninchispi. Kay watapi distrito asambleapin oportunidad kanqa ch’uya conductanchista rikuchinanchispaq.
2. ¿Imaynatan rikuchisunman cristiano masinchiskuna munakusqanchista?
2 Alojamientopi. Kay watapi asambleakunan yanapawasun cristiano masinchiskunawan munanakuyninchis allin kallpachasqa kananpaq. ¿Imaynata? Wasinchispi alojaspa otaq alojawasqanchismanta agradecekuspa. Asambleaq kanan llaqtapi tiyaspaqa, ¿kikinchismantachu anotachikusun hemanonchiskunata alojananchispaq? Chhayna kaqtinqa asamblea p’unchaykuna kuska kaspan allinta reqsinakusun. Jehovaqa bendeciwasunmi chayta ruwaqtinchis (Romanos 12:13).
3. ¿Imaynatan yanapasunman alojamientomanta encargakuqkunata?
3 Hermanonchiskunaq wasinpi alojamientoqa allin ejemplo kaq publicadorkunallapaqmi, paykunaq wawankupaqpas allin conductayoq kaqkunapaq. Congregacionpi Comité de Servicion decidinan pikuna alojakunanta. Alojamiento maskhaq hermanokunaq allin llank’ananpaqmi, ñawpaqmantaña apachinaykichis alojamiento mañakunaykichis papelta. Sichus qan viajanki asambleaman huk llaqtata chayqa, willaypacha congregacionniykipi secretarioman. Chaymanta anotachikuy alojamientota mañakuspa. Chay mañakusqaykitaqa ancianokunan apachinqaku, manan qanchu.
4. ¿Imaynatan hukkunawan considerado kasun pensionkunata mikhuq rispa?
4 Pensionkunapi. Asambleaq kasqan cercapi pensionpi llank’aq mozon kayta nisqa: “Testigokunaqa hukniraqmi kanku. Runamasitan respetanku”, nispa. Allin conductayoq kaspaqa manan hukkunata fastidiananpaq hinachu fuerteta rimasun, asikusunpas. Mikhuspapas tomaspapas, Diospa hatunchasqa kananpaqmi imatapas ruwasun (1 Cor. 10:31).
5. ¿Iman asambleapi allin conductayoq kay?
5 Asambleapi. Asambleapiqa allin conductayoqmi kananchis. Kasukunanchismi acomodadorkunata carrokuna waqaychana sitiopipas asamblea uyarinanchis sitiopipas (Heb. 13:17). Familiakunaqa kuskan tiyananku, waynachaña otaq sipaschaña wawanku kaqtinpas, manan wiñay masinkunawanchu paykunaqa sapaqpi tiyananku. Manan conectanankuchu ima aparatotapas nitaq grabadoratapas asamblea localpi sonidopaq aparatomanqa, grabadorata apayta munaspaqa mana pitapas fastidianan sitiomanmi churananku. Asamblea ratopi fotota orqoyta munanki chayqa manan k’anchachinaykichu. Teléfono celularpas otaq buscapersona nisqapas huk ratokunapaq programasqan kanan, chaymi mana pitapas asamblea horapi fastidianqachu.
6. ¿Imaynatan asambleapi conductanchis Diosta hatunchan?
6 Conductanchismi hukkunamanta t’aqawanchis Diosninchistapas hatunchan (1 Ped. 2:12). Asambleapi ima ruwasqanchispas lliwpa rikusqanmi. Chayrayku decidikusun ima ruwayninchispas ch’uya kananpaq.
[5 paginapi recuadro]
Rikuchisun ch’uya conductanchista
◼ Yanapasun alojamientopaq arreglokunapi
◼ Wawanchista vijilasun
◼ Hukkunawan considerado kasun