Diospa yanapasqan llank’ay
1 Kunan tiempopi Diosta serviqkunaqa pisillan allin educacionniyoqpas, qolqeyoqpas otaq kay mundopi allin reqsisqapas kanchis. Chayraykun, wakin runakunaqa predicasqanchista mana imata hina rikunku (Isa. 53:3). Bibliamanta yachachisqanchismi ichaqa millonninpi runakunaman qon consuelota esperanzatapas. ¿Imaynatan común runakuna atinku chaykuna ruwayta? Diospa yanapasqallanmi chaytaqa ruwanku (Mat. 28:19, 20; Hech. 1:8). “Diosqa akllan kay mundoq pisichasqan runakunatan yachayniyoqkunata p’enqachinanpaq,” nispan explicaran apóstol Pablo. (1 Cor. 1:26-29.)
2 Apostolkunapas qallariypi cristianokunapas yaqa llapankun karanku “pisi leeq, común runakuna” (Hech. 4:13). Mana manchakuspan predicaranku sumaq noticiakunata, chaymi Jehová Diosqa kallpachakusqankuta bendeciran. Problemaña, hark’akuyña kaqtinpas, ‘Jehovaq palabranqa yapakushallaranmi, poderwan’. Diospa yanapasqanwanmi mana pipas hark’ayta atiranchu (Hech. 5:38, 39; 19:20). Chhaynan suceden kay tiempopipas. Poderniyoq gobiernokunapas manan hark’ayta atinkuchu sumaq noticiakunaq yapasqanta (Isa. 54:17).
3 Tukuy alabanzan Diospaq. ¿Ñoqanchischu alabakunanchis Diospa ministron kasqanchismanta? Manapunin chaytaqa ruwaswanchu. Pablon qelqaran cristianoq servicionmanta: “T’uru vasokunapin hap’inchis kay tesorokunata, runaq poderninmanta aswan poderqa Diosllamanta kasqanta rikuchinapaq” (2 Cor. 4:7). Payqa reconoceranmi Diospa kallpallanwan serviy atisqanta (Efe. 6:19, 20; Fili. 4:13).
4 Ñoqanchispas reconocenchismi “Diospa yanapasqallan” predicay atisqanchista (Hech. 26:22). Mundontinpi predicakusqanwanmi, Jehová Diosqa poderninwan utilizawanchis nacionkunaq mancharikunanpaq, chaywanmi qallarin wañunankupaq achhuykamuq juicio (Ageo 2:7). ¡Ima sumaqmi espiritual hatun cosechapi “Diosta yanapayqa”! (1 Cor. 3:6-9.)