Wañuyqa atiyniyoqmi

Yaqa llapa runakuna mana wañuyta munankuchu, ichaqa llapanchismanmi wañuyqa chayamuwasun.

Pipas familianchismanta wañupuqtinqa manan sonqonchista tiyaykachiyta atinchischu. Wañuyqa qonqayllan chayamun otaq pisi-pisimanta.

Antonioq papanmi huk accidentepi wañupurqan, paymi willakun: “Imaynan wasiykita qechupusunkiku hinaspa manaña hayk’aqpas haykuyta atinkichu chay hinatan sientekunki. Imaynachus kasqallantañan yuyarinki, chaymantapachan kawsayniyki hukniray kapun manan sonqoyki tiyaykuyta munanchu, manataqmi imatapas ruwayta atinkichu”, nispa.

Dorothyn anglicana religionmanta karqan, 47 watanpi kashaqtinmi qosan wañupurqan. Payqa sapa domingonpi wawakunata religionmanta yachachiq, chaypin yachachirqan: “Wañusqanchis qhepamanqa kawsashallanchismi”, nispa. Chaywanpas iskayasharqanmi creesqanmanta, chaymi pastorninta tapurqan: “¿Imaynapin wañuqkuna tarikunku?”, nispa. Pastornintaq nirqan: “Manan pipas chaytaqa yachanchu”, nispa.

¿Manachu yachayta atisunman imaynapi wañuqkuna tarikusqankuta?