LECCIÓN 18

Piensachinaykipaq jina yachachiy

1 Corintios 9:19-23

Uyariqkunatan yanapanayki yachachisqaykipi piensanankupaq, chhaynapin kusikunqaku imachus yachasqankumanta.

Reparanaykin uyariqkunaq imachus yachasqanta. Imachus yachasqankuta kaqllata yachachinaykimantaqa jujniraymantan yachachiwaq.

Imachus yachasqankumantaqa pisillatan rimanayki, mana yachasqankumantan ichaqa astawan rimanayki.
Investigaspa piensay. Imachus yachachisqaykita astawan entiendechinaykipaqqa, willawaqmi chayllaraq lloqsimuq noticiakunata, jujkunatapas. Chay willasqaykin ichaqa entiendechinan imachus yachachisqaykita.

Estudiashaspan kaykunata tapukunayki: “¿Ima?, ¿imarayku?, ¿jayk’aq?, ¿maypi?, ¿pin?, ¿imaynata?”, nispa. Yachachishaspataq chaymanta wakin tapuykunata ruwaspa kutichiwaq. Chaykunata ruwaspaqa aswan allintan yachachinki.
Rikuchiy imaynatas yachachisqayki yanapanman chayta. Explicanaykin Bibliapi kaq yachachikuykuna imaynatas vidankupi yanapanman chayta. Chaypaqqa willawaqmi ima problemamantapas, imayna sientekusqankumanta, imachus ruwasqankumantapas.