15 WILLAKUY
¿Imaraykun Bibliata estudiashanallayki?
1. ¿Imakunapin yanapasunki Bibliamanta astawan yachasqayki?
Kay folletopi yachasqaykiqa yanaparqasunkichá Jehová Diosta munakunaykipaq. Ichaqa astawanmi munakuyniykiqa wiñanan (1 Pedro 2:2). Bibliata estudiaspa Diospa qayllanpi kaspallan wiñay kawsaytaqa chaskinki.—Leey Juan 17:3; Judas 21.
Diosmanta astawan yachaqtiykin iñiyniyki wiñanqa, chaymi kallpachasunki Diospa munasqanman hina kawsanaykipaq (Hebreos 11:1, 6). Iñiymi yanapawanchis huchanchismanta pesapakunapaq, mosoq runa kanapaqpas.—Leey Hechos 3:19.
2. ¿Imaynatan hukkunata yanapawaq?
Mañakuypi qokuspan Jehová Diospa amigon kawaq
Yaqapaschá qanpas Bibliapi yachasqaykimanta hukkunaman willayta munanki. Estudiasqaykipi ñawparisqaykiman hinan yachanki Jehová Diosmanta allin willakuykunamantapas Bibliawan yachachiyta.—Leey Romanos 10:13-15.
Ñawpaqtaqa familiaykiman amigoykikunamanmi willariwaq. Ichaqa respetowan sumaq sonqowanmi willanayki. “Pantasqapin iñishanki” ninaykimantaqa, Diospa promesanmanta willay. Hinaspapas yuyariy, paykunaqa imayna kawsasqaykitan astawanqa qhawarinqaku manan rimasqaykitachu.—Leey 2 Timoteo 2:24, 25.
3. ¿Imamanmi aypawaq?
Bibliata estudiasqaykin yanapasunki iñiyniykipi wiñanaykipaq Dioswan amigontin kanaykipaqpas. Chay hinapin qanpas Diospa familianmanta kapunki.—Leey 2 Corintios 6:18.
4. ¿Iman yanapasunki iñiyniyki astawan wiñananpaq?
Amapuni saqeychu Biblia estudiayta (Hebreos 5:13, 14). Huk Testigota niy ¿Imatapunin Biblia yachachin? nisqa librowan yachachinasuykipaq. Astawan yachanki chayqa, aswan kusisqan kawsanki.—Leey Salmo 1:1-3; 73:27, 28.
Bibliapin kashan ‘kusisqa Diospa allin willakuyninkuna’ (1 Timoteo 1:11, NM). Pay sonqo runakunawan huñunakusqaykitaqmi yanapasunki Jehová Diosman asuykunaykipaq (Hebreos 10:24, 25). Diospa munayninta ruwanaykipaq kallpachakushallanki chayqa, wiñay kawsaytan tarinki. ¡Diosman asuykusqaykiqa allinniykipaqmi kanqa!—Leey 1 Timoteo 6:19.