Qanrí, ¿Diospa munaynintachu ruwanki?

Agradecekuykikun kay folletota t’aqwirinaykipaq tiempo t’aqasqaykimanta, kaypin yacharqanki ñoqaykumanta, llank’ay aparisqaykumanta, religionniykumanta ima. Yaqapaschá kay folletota leespa repararqanki ñoqallayku Diospa munayninta ruwasqaykuta. Kallpachaykikun Diosmanta astawan yachanaykipaq. Yachasqaykimanta parlariy familiaykiwan amigoykikunawan ima, amataq ñoqaykuwan Diosta yupaychanapaq huñunakuykunaman riyta qonqaychu (Hebreos 10:23-25).

Jehová Diosmanta astawan yachaspaqa astawanmi reparanki pay munakusqasuykita. Chaymi qanpas kallpachakunki tukuy ruwasqaykipi pay munakusqaykita rikuchinaykipaq (1 Juan 4:8-10, 19). ¿Imaynatan rikuchiwaq Dios munakusqaykita? ¿Imaraykun kamachikuyninkunata kasukunayki? ¿Iman yanapasunki ñoqaykuwan kuska Diospa munayninta ruwanaykipaq? Bibliamanta yachachiqniykin yanapasunki chaykunata yachanaykipaq, chhaynapin qanpas familiaykipas ‘Diospa munakuyninpi allinta takyankichis, [...] wiñay kawsay qonasuykichista suyakuspa’ (Judas 21).

Tukuy sonqomantan invitaykiku cheqaq ñanpi purishanallaykipaq. Kay urapi kaq librota, “Diospa munakuyninpi allinta takyaychis”, estudiaymi anchata yanapasunki.