¿Imaynatan umallikuna iñiq t’aqata yanapanku?

Testigokuna ukhupin umallikuna kan. Paykunaqa ñawpa cristianokunaq tiemponpi hinan ‘Diospa iglesianta [otaq iñiq t’aqata] michinankupaq’ churasqa kanku. Ichaqa manan mayqenninkupas pagota chaskinkuchu (Hechos 20:28). Chay umallikunaqa iñiyninkupi allin takyasqa runakunan kanku. Paykunan iñiqkunata michinku pusarinku ima, ichaqa ‘manan kamachisqa hinachu, aswanpas sumaq munakuywanmi, manan qolqepaqchu aswanpas tukuy sonqowanmi’ (1 Pedro 5:1-3). ¿Imaynatan yanapawanku?

Cuidawanku yanapawanku ima. Umallikunaqa Bibliawanmi iñiq t’aqaman yachachinku, yanapankutaqmi Dioswan allinpi kanankupaq. Paykunaqa manan capataz hinachu kamachikunku, aswanmi Diospa churasqan kasqankuta yuyarispa yanapawanku allinta kawsanaykupaq kusisqa kanaykupaqwan (2 Corintios 1:24). Imaynan oveja michiq sapanka ovejachanta cuidan, chay hinatan interesakunku sapanka iñiqkunapi (Proverbios 27:23).

Diospa munayninta ruwanaykupaq yachachiwanku. Umallikunaqa sapa semanan huñunakuykunapi yachachiwanku iñiyniykupi allin kanaykupaq (Hechos 15:32). Paykunan predicacionta umallispa ñoqaykuwan predicanku, yachachiwankutaq imayna predicaytapas.

Sapankaykuta kallpachawanku. Paykunaqa iñiyniykupi allin kanaykuta munaspan wasiykuta visitamuwanku, huñunakuykunapipas ñoqaykuwan parlarinku. Bibliawanmi yanapawanku kallpachawanku ima (Santiago 5:14, 15).

Iñiq taqapi imaymana ruwanayoqña kanku chaypas, yaqa llapa umallikunan familiayoq kanku, chaymi paykunata uywananku llank’anankutaq kanpas. Chay umallikunaqa ancha respetanapaqmi kanku (1 Tesalonicenses 5:12, 13).

• ¿Imakunatan umallikuna ruwanku?

• ¿Imaynatan rikuchinku iñiqkunapi interesakusqankuta?