Dios munakusqanchista rikuchisun

Amigonchismanta ama karunchakunapaqqa rimanakushanallanchismi. Amigonchiswanqa uyarinakunchismi. Allintan paymanta hukkunamanpas rimanchis. Diospa amigon kanapaqpas kaqllatataq ruwana. Chaymi Biblia niwanchis Diospa amigon kanapaq ima ruwananchista.

Jehová Dioswan rimanakushanalla. “Mañakushallaychispuni.” (Romanos 12:12.)

Diospa Simin qelqata leena. “Diospa Simin Qelqakunaqa llapallanmi Diospa yuyaychasqan, chayraykun allinpuni yachachinapaq, anyanapaq, wanachinapaq.” (2 Timoteo 3:16.)

Hukkunaman Diosmanta yachachina. “Chayrayku, rispa llapa suyu runakunata yachachimuychis, yachachisqaykuna kanankupaq [...]. Qankunaman lliw kamachisqaykunata paykunaman yachachimuychis kasukunankupaq.” (Mateo 28:19, 20.)

Diospa amigonkunaman asuykuna. “Yachayniyoqkunawan puriqqa yachayniyoqmi kapunqa.” (Proverbios 13:20.)

Huñunakuy Wasiman rina. “Hukkuna hukkunawan kallpachanakusunchis aswanta munanakunanchispaq, allin ruwaykunatapas ruwananchispaq.” (Hebreos 10:24, 25.)

Reinopaq llank’anata yanapana donacionta churaspa. “Sapanka imaynatachus sonqonpi yuyaykusqanman hina qochun, ama llakisqachu, amataq kamachisqa hinapaschu. Diosqa kusisqa qoqtan munakun.” (2 Corintios 9:7.)