Diostan reqsinanchis

Diostan reqsinanchis amigon kanapaqqa. Amigonchiskunaqa yachankun sutinchista, hukkunamanpas sutinchista willanku. Diospas munallantaqmi sutin yachananchista willananchistapas. Diospa sutinqa “Jehová” nisqan (Salmo 83:18, NM; Mateo 6:9). Yachanallanchistaqmi ima munasqanta, mana munasqantapas, pikunan amigonkuna, pikunataq awqankuna chaytapas. Tiempowanmi pitapas allinta reqsinchis, chaymi Biblia kallpachawanchis tiempota hap’ispa Jehová Diosta reqsinapaq (Efesios 5:15, 16).

Diospa amigonkunaqa Paypa munasqantan ruwanku. Sichus amigoykita millayta rimapayanki, mana munasqantataq ruwanki chayqa, ¿munanmanraqchu amigoyki kayta? Manapunin. Chhaynallataqmi Diospa amigon kanapaqqa, imachus munasqanta ruwananchis (Juan 4:24).

Manan llapan religionchu yanapawasun Diospa amigon kanapaqqa. Diospa aswan allin amigon Jesusmi iskay ñanmanta rimaran. Hukninmi hatun, chaynintataq askha runa purin. Chay ñanqa wañuymanmi apan. Huknin ñantaq ñañu, chaynintaqa pisi runakunallan purin. Chay ñanqa wiñay kawsaymanmi apan. Chaymi Diospa amigon kanapaqqa, yachananchis imaynatachus Diosta yupaychana kasqanta (Mateo 7:13, 14).